13:46, 10 - قازان 2019 | GMT +6
ا ق ش كونگرەسسمەنى: قازاقستاننىڭ ورنى بولەك
نۇر-سۇلتان. قازاقپارات – ا ق ش كونگرەسىنىڭ وكىلدەرى قازاقستانمەن بايلانىستى ارتتىرۋعا مۇددەلى.
سوڭعى 20 جىل ىشىندە قوس مەملەكەت اراسىندا سەلكەۋ تۇسپەگەن دەگەن ويدى ۇستانعان ا ق ش كونگرەسسمەنى، اريزونا شتاتى استاناسىنىڭ بۇرعىنعى ءمەرى گرەگ ستەنتون قازاق ەلىمەن قارىم- قاتىناستى نىعايتۋ ءتيىمدى ەكەنىن ايتتى.
گرەگ ستەنتون، ا ق ش كونگرەسسمەنى:
- ا ق ش بارلىق ەلمەن سەنىمدى ءارى تىعىز بايلانىس ورناتۋدى كوزدەيدى. بۇل رەتتە قازاقستاننىڭ ورنى بولەك. ويتكەنى سىزدەردىڭ ەلدەرىڭىز ستراتەگيالىق تۇرعىدان ماڭىزدى جەردە ورنالاسقان جانە ەكونوميكالارىڭىز سەرپىندى دامىپ كەلەدى. سوندىقتان ءبىز قازاقستانمەن ىنتىقماقتاستىعىمىزدى نىعايتۋعا نيەتتىمىز. تەك ەكونوميكا نە قاۋىپسىزدىك سالاسىنا عانا ەمەس، ءبىلىم بەرۋ سالاسىنداعى بايلانىستارعا دا كوپ كوڭىل بولگەن ءجون. ءبىزدىڭ مۇددەلەرىمىز ورتاق.
www.24.kz