+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

وڭتۇستىك كورەيادا تاڭقالارلىق قاسيەتكە يە جۇزدەگەن روبوت كورمەگە قويىلدى

10 قازان 13:22
:ءبولىسۋ
وڭتۇستىك كورەيادا تاڭقالارلىق قاسيەتكە يە جۇزدەگەن روبوت كورمەگە قويىلدى

نۇر- سۇلتان. قازاقپارات - وڭتۇستىك كورەيادا تەك وسى ەلدە عانا ەمەس، ايماقتاعى ەڭ ءىرى قاتارداعى روبوتتار كورمەسى اشىلدى.

اقىلدى كولىكتەر جۇك تيەۋشىلەردى، بارمەندەردى ءتىپتى اسكەرلەردى اۋىستىرادى. ۆلاديسلاۆ سوي، ءتىلشى:

- كورمەگە كەلۋشىلەردىڭ نازارىنا جۇزدەگەن روبوت قويىلعان. بارلىعىن كورسەتۋگە، ارينە ۋاقىت جەتكىلىكسىز، ءبىراق سىزگە جەكە ءوزىمدى قىزىقتىرعان قۇرىلعىلار تۋرالى ايتىپ بەرەيىن دەپ شەشتىم. مەن بۇل جەردەن ماشينالاردىڭ ادام جۇمىسىن تولىقتاي اتقارا الاتىنىن بايقادىم. قازىر كورەيادا كەيبىر لوگيستيكالىق كومپانيالار جاساندى ينتەللەكتى پايدالانىپ، تاۋار ولشەيدى، كوتەرەدى جانە ولاردى تاسىمالدايى. مۇندا كەي روبوتتار توننا سالماقتى كوتەرسە، ەندى ءبىرى كادىمگىدەي نىسانداردى تاني الادى. جينالمالى قابىلەتى بولعان سوڭ ولار جۇرگىزۋشىسىز كولىكتەردە قولدانىلادى. بۇل جابدىقتاردىڭ باسقا دا مۇمكىندىكتەرىن ءبىلۋ ءۇشىن ءوندىرۋشى كومپانيا وكىلىن سوزگە تارتىپ كورەيىك.

كيم تحە ۆون، كومپانيا وكىلى:

- ءبىز بۇل كامەرانى نەگىزىنەن ءوندىرىس تىزبەگىندەگى كەمشىلىكتەر مەن اقاۋلاردى انىقتاۋ ءۇشىن جاساپ شىعاردىق. وزگەلەردەن ەرەكشەلىگى كولەمى جاعىنان شاعىن جانە قۋاتتى از تۇتىنادى. باعاسى دا قولجەتىمدى. كورەيادا باريستا روبوتىمەن ەشكىمدى تاڭقالدىرا المايسىز. ءبىراق روبوت- اسپازدى مەن العاش رەت كورىپ تۇرمىن. ول سالات جاساي الادى ەكەن. وعان تەك كوكونىس، جەمىس- جيدەك بەرىپ، ءار قۇرامعا قانشا گرامم قاجەت ەكەنىن جازىپ بەرسەڭىز بولدى. ال مىنا روبوت - سۇلۋلىق سالونىنا تاپتىرمايتىن كومەكشى. ول شاشتى جۋىپ قانا قويماي، باسقا ماسساج دا جاسايدى. مەن مىسالى، قازىر شاشىمدى ءوزىم جۋمايمىن، ويتكەنى وعان ۋاقىت جوق. جالپى روبوتتار ادام ءومىرىنىڭ بارلىق سالالارىنا پايدانىلادى. ءبىر- ەكى جىلدان كەيىن كيبەر- اسكەري پايدا بولۋى مۇمكىن. كەم دەگەندە، سولدات پەن بروندى تەحنيكانى الماستىراتىن روبوتتار بار. ونىڭ سالماعى - ءبىر جارىم توننا. ول ادام سياقتى ساعاتىنا 5 شاقىرىم جىلدامدىقپەن قوزعالادى. ءتىپتى ساعاتىنا وتىز شاقىرىمعا دەيىن ءجۇرىپ وتۋگە مۇرشاسى بار. تولىق زاريادتالعان كەزدە ول ون ەكى ساعات بويى سوعىسا الادى. ەندى سول روبوتتى جاساعان كومپانيا وكىلىن تىڭداپ كورەيىك.

كيم سوك حۆان، كومپانيا وكىلى:

- ءتۇرلى قاجەتكە جارامدى بۇل ماشينانى اسكەري دە، ازاماتتىق تا ماقساتتا قولدانۋعا بولادى. جاۋىنگەر ارتىنان ەرىپ جۇرە الادى، قاشىقتان دا باسقارۋعا بولادى. كۇشتى قوزعالتقىشى مەن باتارەياسى بار. وسىنىڭ ارقاسىندا جەتۋگە جولى قيىن اۋدانداردى وتە الادى. رەپورتاجدى روبوت- مۋزىكانتپەن اياقتاعىم كەلىپ تۇر. مىنە، مىنا قۇرىلعىنىڭ سوقپالى اسپاپتاردا وينايتىن ونەرى بار.

www.24.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات