قازاقستاننان وزبەكستانعا «دوستىق كەرۋەنى» اتتاندى

شىمكەنت. قازاقپارات - بۇگىن شىمكەنتتەن وزبەكستان رەسپۋبليكاسىنا «دوستىق كەرۋەنى» جولعا شىقتى، دەپ حابارلايدى قازاقپارات ءتىلشىسى.

قۇرامىندا اسسامبلەيا مۇشەلەرى مەن زيالى قاۋىم وكىلدەرى، جاستار مەن ب ا ق وكىلدەرى بار كەرۋەن قازاقستان حالقى اسسامبلەياسى مەن وزبەكستان ينتەرناتسيونالدى مادەني ورتالىعىنىڭ اراسىنداعى ىنتىماقتاستىق تۋرالى مەموراندۋم اياسىندا ساپارلاپ قايتپاق

كەرۋەندى شىعارىپ سالۋ راسىمىندە قالالىق قازاقستان حالقى اسسامبلەياسى ءتوراعاسىنىڭ ورىنباسارى ءمۇراتالى قالمۇراتوۆ پەن SILKWAY حالىقارالىق ۋنيۆەرسيتەتىنىڭ پرەزيدەنتى ماديار يۋنۋسوۆ ءسوز سويلەپ، ءىس- شارا باۋىرلاس ەكى ەل اراسىنداعى دوستىق قارىم- قاتىناستى نىعايتۋ ماقساتىندا ۇيىمداستىرىلىپ وتىرعانىن ايتتى. وزبەكستانعا بەت العان كەرۋەن مۇشەلەرى 10-12 -قازان ارالىعىندا تاشكەنتتەگى اباي ەسكەرتكىشىنە گۇل شوقتارىن قويىپ، تولە بي بابامىزدىڭ مازاراتىنا زيارات ەتەدى. ءارى قاراي سامارقاندتاعى ءامىر تەمىر جانە جالاڭتوس ءباھادۇردىڭ، بۇحاراداعى باحاۋددين ناكشبانديدىڭ كەسەنەسىمەن تانىسپاق.

سونىمەن قاتار، «دوستىق كەرۋەنىنىڭ» مۇشەلەرى وزبەكستان ينتەرناتسيونالدى مادەني ورتالىعى مەن وزبەكستانداعى قازاق مادەني ورتالىعىندا بولىپ، ونداعى قازاق جاستارىمەن كەزدەسەدى دەپ كۇتىلۋدە.