+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قالاي باي بولامىن؟

10 قازان 11:27
:ءبولىسۋ
قالاي باي بولامىن؟

نۇر-سۇلتان. قازاقپارات – باي بولۋ ءۇشىن بايلىق جايلى بىرنەشە كىتاپتى وقىپ شىعۋ جەتكىلىكسىز.

ارينە، مۇنداي كىتاپتار سىزدە بايلىق جايىندا كوزقاراس قالىپتاستىرۋى مۇمكىن. ءبىراق، بايلىققا جەتۋ ءۇشىن ورنىڭىزدان تۇرىپ، ءىس- ارەكەتكە كوشكەنىڭىز، اقىلعا قونىمدىراق.

باي ادام اتانۋ ءۇشىن ءسىزدىڭ ساناڭىزداعى بايلىق جايلى تۇسىنىكتىڭ ماڭىزى زور. ياعني، بايلىقتى ءسىز قالاي تۇسىنەسىز؟ ءسىز ءۇشىن بايلىق دەگەن نە؟ بايلىق سىزگە نە ءۇشىن قاجەت؟ قالاي باي بولۋعا بولادى؟ الايدا، بۇل سۇراقتاردىڭ جاۋابى ينتەرنەتتە وتە كوپ. ولاردى قايتالاپ جازۋ بوس اۋرەشىلىك (ايتپەسە، كوشىرىپ جازۋدىڭ حاس شەبەرىمىن). سوندىقتان تومەندە سىزدەرگە بىرنەشە بايلىق جايىنداعى قۋلىقتاردى ۇسىندىق:

باي بولۋدىڭ ەڭ وڭاي جولى ءوزىڭدى بايمىن، مەندە ءبارى بار دەپ سەزۋ، سەنۋ. باي ادامدار مەن كەدەي ادامداردىڭ ايىرماشىدىعى بايلار ەشقاشان ەسەپشوتىندا، ءاميانىندا قانشا سومما بار ەكەندىگىنەن حابارسىز، ال، كەدەيلەر، كەرىسىنشە، ءاردايىم ءوزىنىڭ اقشا قورىن ءبىلىپ، ۋايىممەن، قورقىنىشپەن ءومىر سۇرەدى ەكەن.

تاعى ءبىر ايىرماشىلىق، كەدەي توپتاعى ادامدار مەن قالتالى ادامداردىڭ اقشا جيناۋىندا ەكەن. بايلار ەشقاشان اقشانى پاسسيۆ قالپىندا ساقتامايدى دەپوزيتكە سالمايدى. ينۆەستيتسيا جاسايدى، سەبەبى اقشا ۇنەمى جۇمىس ىستەپ تۇرۋى قاجەت. سوندىقتان، اقشانى ساندىققا سالىپ جيناۋ، اقىلعا قونىمسىز. اقشانىڭ وزدىگىنەن كوبەيىپ وتىرعانىن قالاساڭىز، بيزنەسكە نەمەسە ءوسىمدى دەپوزيتكە سالىپ وتىرىڭىز.

كەدەيلەردە ۇلكەن تەلەديدار، بايلاردا ۇلكەن كىتاپحانا. ايىرماشىلىق، تايعا تاڭبا باسقانداي كورىنىپ تۇرعان بولار.

اقشا سالاتىن ءاميانىڭىزدىڭ ۇقىپتى بولعانى دۇرىس، سىزدە ءاميان جوق بولسا. اقشاڭىز ءۇيسىز قالادى، ال ءۇيسىز اقشا ەگەسىز قالعانداي وڭعا، سولعا كەتەدى. دۇرىسى، ءاميان قولدانعان. جانە ءسىزدىڭ 5 تيىنىڭىزعا دەيىن دالاعا كەتۋىنە جول بەرمەۋ. اقشانى جاقسى كورىڭىز، اقشاعا ۇقىپتىلىقپەن قاراساڭىز عانا، ءسىز ءوز ومىرىڭىزگە اقشانى قىزىقتىرا الاسىز.

تاعى ءبىر پايدالى كەڭەس، سىزگە سونشالىقتى اقشانى ۇنەمدەۋ بولىپ كورىنبەۋى مۇمكىن. ءبىراق كەڭەستىڭ ءسىزدىڭ ەسىڭىزدە ۇزاققا دەيىن قالىپ، پايداسىن تيگىزەرىنە كەپىلدىك بار. ەشقاشان قارنىڭىز اشىپ تۇرعاندا دۇكەن ارالاماڭىز. اش اسقازان ۇنەمى كوپ ازىقتى قاجەت ەتىپ تۇراتىنداي. ءبىز ازىق-تۇلىك دۇكەنىنە كىرىپ، قارنىمىز اشىپ تۇرعاندىقتان، ءبارى قاجەتتەي سەزىنىپ، ينستينكتتى تۇردە قاجەتسىز ازىقتاردى كازەڭكەمىزگە تولتىرىپ الامىز. الايدا، بۇل ءسىزدى شىعىنعا الىپ كەلۋى مۇمكىن. سەبەبى ولاردىڭ ۋاقىتى ءوتىپ، ءسىز پايداڭىزعا اسىرعانشا جارامسىز بولىپ قالۋ ءقاۋىپى بار.

ادامداردىڭ ءۇش توبى بار. ولار: بار ادامدار، جوق ادامدار، بار نارسەسىنە اقشا تولەمەيتىن ادامدار. كىم اقىلدىراق؟

اقشا جايىندا ۇنەمى ەسەبىڭىز بولۋى قاجەت. ەگەر ءسىز قولىڭىزداعى بەلگىلى قاراجاتتىڭ بولىگىن نەگە جۇمساعانىڭىزدى ۇمىتساڭىز، دەمەك ونى وتە قاجەتسىز جەرگە جاراتتىڭىز.

«قۋ جارنامانىڭ» جەتەگىندە كەتپەڭىز. ەشقاشان قاجەتسىز كۋپونداردى الماڭىز، قولدانباڭىز. جارناما بەرۋشىلەر ادام پسيحيكاسىمەن قۋىرشاقشا وينايدى. ءبىز الدىمىزدا كەرەمەت جەڭىلدىكتى كورگەندە، ول زات بىزگە كەرەك بولماسا دا، تەك ول زاتقا %50 جەڭىلدىك بولعانىنا الدانىپ ساتىپ الۋىمىز مۇمكىن. جالعان جارنامانىڭ قۇربانىنا اينالماڭىز!

ەشقاشان ۇستەمەسىن تولەمەڭىز. ەڭ اقىلعا قونىمسىز شەشىم ۇستەمەمەن زات نە قارىزعا اقشا الۋ. سەنىڭىز، ءسىز تەك العان كۇنىڭىزدە عانا باقىتتى بولاسىز.

كەدەيلەر كەدەرگى كورەتىن جەردەن، بايلار مۇمكىندىك كورەدى. ماسەلەن، ءسىز تۇراتىن اۋىلدا قۇيىلمالى بالمۇزداق ساتاتىن دۇكەن جوق بولسا، ءسىز «ەشكىم المايدى، دەمەك» دەپ ويلايسىز. ال، باي ادامدار، كەرىسىنشە، مۇنى كەرەمەت مۇمكىندىك دەپ بىلەدى. اۋىلعا جاڭا دۇكەن سالۋ، جاڭا اقشا كوزى.

بايلاردىڭ بارلىعى دەرلىك وزدەرىنە نىق سەنىمدى.

-«بۇل باستاما ءونىمدى بولادى، سەبەبى مەن ونى ءونىمدى ەتەتىندەي جاسايمىن.»

باي ادامدار نەگە جەتكىسى كەلەتىنىنە ءجىتى ءمان بەرسە، كەدەيلەر نەدەن قاشقىسى كەلەتىنىنە.

قاتىپ قالعان بايلىق جايىنداعى قورقىنىشتى ستەرەوتيپتەرىڭىزدەن باس تارتىپ، جارقىن الەمدە ءومىر ءسۇرىڭىز. قالىپتى پىكىرىڭىزدى وزگەرتىڭىز. ومىردە كوپ جەردە زالالسىز قۋلىقتارعا جۇگىنۋ كەرەك ەكەندىگىن ەسىڭىزدەن شىعارماڭىز.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات