+7 (701) 759 90 19
-20 °С : نۇر-سۇلتان
-1 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

سيريادان ورالعان بالالار قۋىرشاقتى باۋىزداپ وينايدى - تەولوگ

10 قازان 10:38
:ءبولىسۋ
سيريادان ورالعان بالالار قۋىرشاقتى باۋىزداپ وينايدى - تەولوگ

الماتى. قازاقپارات - سيرياداعى سوعىس وتىن كورگەن بالالار اۋىر پسيحولوگيالىق جاراقات الىپ ورالادى.

بالالاردىڭ مىنەز-قۇلقى تۋرالى تەولوگ، ءدىنتانۋشى، نۇر مۇباراك ەگيپەت يسلام مادەنيەتى ۋنيۆەرسيتەتىنىڭ دوكتورانتى، رەسپۋبليكالىق اقپاراتتىق ناسيحات توبىنىڭ مۇشەسى سەرىكجان ەنشىباي ايتىپ بەردى.

تەولوگتىڭ ايتۋىنشا، بۇل بالالاردى قالىپتى قوعامعا قايتارۋ ءۇشىن جىلدار بويى كەشەندى پسيحولوگيالىق جۇمىس قاجەت.

سيرياعا بارعانداردىڭ كوپشىلىگى راديكال سالافيزم ۇستانىمىن ۇستانادى.

تۋعالى راديكال سالافيزم باعىتىندا تاربيەلەنگەن بالالار ءتىپتى وزدەرىنىڭ اكە-شەشەسىنەن قاۋىپتىرەك. ەگەر ول دىنگە 20 جاستا، مەكتەپتەن كەيىن كەپ جاتسا، ول ادامدى قوعامعا قايتارۋ وڭاي. ال راديكال سالافيتتىك باعىتتاعى وتباسىندا وي ەركىندىگى شەكتەلەدى. ولار ەكىنشى، بولۋى ىقتيمال، بالاما باعىتتاردى مۇلدە قاراستىرمايدى. زەرتتەپ، تالداۋ، اناليز دەگەن تىپتە جوق. بالالار دا سول تاربيەمەن وسەدى. بولاشاققا وتە ءقاۋىپتى بولۋى مۇمكىن. مەملەكەت باسا نازار اۋدارۋى كەرەك. بالالارمەن كوبىنە پسيحولوگ ماماندار جۇمىس جاساسا، نۇر ۇستىنە نۇر بولار ەدى»، - دەدى سەرىكجان ەنشىباي.

ءدىن تانۋشىنىڭ ايتۋىنشا، سيريادا باستان كەشكەن ءومىرى بالانىڭ ويىنىنان دا كورىنىس تابادى. ول پراكتيكادا مۇنداي وقيعالارمەن ءجيى كەزدەسكەن.

«سيريادان كەلگەن بالالاردىڭ ويىن ويناپ وتىرعانىن قاراساڭىز، ويعا قالاسىز. ولار قۋىرشاقتىڭ باسىن كەسىپ، اياعىن سىندىرىپ، باۋىزداپ وينايدى. «اتىپ ولتىرەمىن» دەگەن ءسوزدى ايتادى. ونى ايتقان بالادا جازىق جوق. ول نەنى كوردى، نەنى ەستىدى - سونى ىستەيدى. ءبىراق، بالامەن جۇمىس جاساۋ وڭاي. ويىندارىن قايتا وزگەرتىپ، باسقا نارسەلەرمەن قىزىقتىرۋ سىندى كەشەندى امالدارىن تابۋ كەرەك»، - دەدى ول.

ق ر ءبىلىم جانە عىلىم ۆيتسە-ءمينيسترى بيبىگۇل اسىلوۆا حابارلاعانداي، بۇگىندە 506 بالا سيريادان قايتىپ كەلدى. قازىرگى تاڭدا ەلىمىزدە جاسوسپىرىمدەردى قولداۋعا ارنالعان 15 الەۋمەتتىك-پسيحولوگيالىق، قۇقىقتىق ورتالىق جۇمىس ىستەپ تۇر. ولاردا ستاتسيوناردا تاۋلىك بويى 14 بالاسىمەن 4 انا جاتادى. قالعاندارى - كۇندىزگى ستاتسيوناردا. 254 بالدىرعان مەكتەپكە دەيىنگى تاربيەمەن قامتىلعان. ياعني، ولار بالاباقشالارعا بارىپ ءجۇر. مەكتەپتەردە 153 بالا وقىپ جاتىر.

سونداي-اق، تۇل جەتىم قالعان 33 بالا ارنايى مەكەمەلەرگە تاراتىلدى.

اراسىندا سول جاقتا تۋعان، قازاقشا، ورىسشا مۇلدە بىلمەيتىن ارالاس نەكەدەن تۋعان بالالار دا بار. قازىر ولارمەن مەكتەپ پسيحولوگتارى جۇمىس جاساپ جاتىر.

«بۇل بالالاردى وقشاۋلاۋعا مۇمكىندىك بەرمەۋگە تىرىسامىز. وزدەرىنىڭ ۇلتتىق قۇندىلىقتارىنا ماحابباتى ويانسىن دەگەن ماقساتپەن نۇر-سۇلتانعا، تاريحي مۋزەيلەرگە ەكسكۋرسيا جاسايمىز»، - دەدى سەرىكجان ەنشىباي.

ال بالالار پسيحولوگى ناتاليا ساناروۆا 9 جاسقا دەيىن بالادا كريتيكالىق ويلاۋ قابىلەتى بولمايتىنىن ايتتى. ياعني، بالالاردىڭ ءار كورگەنى ءتۇپساناسىنا جازىلادى.

«بۇل، ەرتەڭگى كۇنى ونىڭ بولاشاقتاعى مىنەز- قۇلقىنا، ومىرىنە قاتتى ىقپال ەتەدى. بالالاردىڭ ارقايسىسىمەن پسيحولوگيالىق جۇمىس جاسالۋى كەرەك. البەتتە، بالالار سترەسس العان، ءتىلدى تۇسىنبەيتىن ورتاعا كەلگەن، كوپ قانتوگىس، اگرەسسيا كورگەن.

ءتىپتى، جاستايىنان اتا-اناسىنان ايرىلعان. اۋىر پسيحولوگيالىق جاراقات الىپ كەلگەن. ەگەر مۇنى ءوز بەتىمەن جىبەرسەك، ءبىز قوعامعا سىڭە المايتىن اگرەسسيۆتى ۇرپاققا تاپ بولامىز. رەماركتىڭ «3 توۆاريشا» تۋىندىسىندا ءبىرىنشى دۇنيەجۇزىلىك سوعىستان سوڭ قوعامعا بەيىمدەلە الماي، سىرتتا قالعان تۇتاس ۇرپاق تۋرالى ايتىلادى. بۇل جاعدايدا دا تۋرا سولاي بولۋى ىقتيمال. بۇل بالالار دا ەرتەڭ قوعاممەن بايلانىس تابا الماۋى مۇمكىن. نەمەسە كونفليكتىلىك جاعدايعا اكەلەدى»، - دەدى ناتاليا ساناروۆا.

پسيحولوگ بالالاردى قورقىنىش پەن كۇيزەلىستەن ارت-تەراپيا، تىنىس الۋ گيمناستيكاسى، قۇممەن ويناۋ سياقتى ويىندار شىعارۋعا كومەكتەسەتىنىن ايتتى.

اۆتور: گۇلميرا عوسمانالي


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات