نوبەل سىيلىعىنىڭ لاۋرەاتى قاماۋعا الىندى

نۇر- سۇلتان. قازاقپارات - داككا قالاسىنىڭ ەڭبەك داۋلارى جونىندەگى سوتى بەيبىتشىلىك سالاسىنداعى نوبەل سىيلىعىنىڭ يەگەرى، ەكونوميست مۇحاممەد يۋنۋستى قاماققا الۋعا وردەر بەردى، دەپ حابارلايدى قازاقپارات Geo.tv تەلەارناسىنا سىلتەمە جاساپ.

79 جاستاعى يۋنۋسقا ءوزى باسقاراتىن Grameen Communication كومپانياسىنىڭ ءۇش قىزمەتكەرىن زاڭسىز تۇردە جۇمىستان شىعاردى دەگەن ايىپ تاعىلعان. بيىل جازدا ولار كومپانيا باسشىسىمەن قوسا تاعى ەكى ادامدى زاڭسىز ارەكەتتەرگە باردى دەپ ايىپتاعان.

ولار 8 -  قازان كۇنى سوتقا كەلۋى ءتيىس ەدى. ءبىراق سوتتىڭ شاقىرۋىنا جاۋاپ بولماعان سوڭ، يۋنۋس قاماققا الىنعان.

2006 -جىلى يۋنۋس جانە ول باسقاراتىن Grameen بانكىنە نوبەل سىيلىعى بەرىلگەن ەدى. بانك كەدەيلەرگە بەرگەن كەپىلسىز نەسيە ولاردىڭ كاسىپ اشىپ، ءال- اۋقاتىن جاقسارتۋىنا سەپتىگىن تيگىزگەن. يۋنۋس باسقارعان بانكتىڭ وسى يگى امالى بەيبىتشىلىك سالاسىنداعى نوبەل سىيلىعىنا لايىق دەپ تانىلعان.