تۇركيا سيريادا «بەيبىتشىلىك قاينارى» اسكەري وپەراتسياسىن باستادى

انكارا. قازاقپارات - تۇركيانىڭ قارۋلى كۇشتەرى سيريانىڭ ەۆفرات وزەنىنىڭ شىعىسىندا ورنالاسقان اۋدانداردا تەرروريزمگە قارسى «بەيبىتشىلىك قاينارى» وپەراتسياسىنا كىرىستى، دەپ حابارلايدى «قازاقپارات» ح ا ا انادولى اگەنتتىگىنە سىلتەمە جاساپ.

وپەراتسيانىڭ باستالعانى تۋرالى تۇركيا پرەزيدەنتى رەجەپ تايىپ ەردوعان مالىمدەدى.

اسكەري وپەراتسيانىڭ ماقساتى - تۇركيانىڭ وڭتۇستىك شەكاراسىنداعى ايماقتى باقىلاپ وتىرعان لاڭكەستەردى جويۋ، سيريادا بەيبىتشىلىك پەن تۇراقتىلىق ورناتۋ.

«بەيبىتشىلىك قاينارى» وپەراتسياسىنىڭ ارقاسىندا سيريادا «قاۋىپسىز ايماق» قۇرىلىپ، سيريالىق بوسقىندار سوعان جىبەرىلەدى.