+7 (701) 759 90 19
-10 °С : نۇر-سۇلتان
1 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قارقارالىدا ابايدىڭ پورترەتى بەينەلەنگەن ەسكەرتكىش تاس ورناتىلدى

9 قازان 20:50
:ءبولىسۋ
قارقارالىدا ابايدىڭ پورترەتى بەينەلەنگەن ەسكەرتكىش تاس ورناتىلدى

قاراعاندى. قازاقپارات - ۇلى ابايدىڭ 175 جىلدىق مەرەيتويى قارساڭىندا قارقارالى اۋدانىنىڭ تۇرعىنى جەرلەستەرىنە سىيلىق جاسادى، دەپ حابارلايدى قازاقپارات ءتىلشىسى.

ۇلىمەن بىرگە ماناربەك كارىم ابايدىڭ پورترەتىن تاستىڭ بەتىنە قاشاپ بەينەلەدى. اتالمىش ەسكەرتكىش تاس قارقارالى تاريحي عيماراتىنىڭ جانىندا ورناتىلدى.

بۇل ورىن كەزدەيسوق تاڭدالعان جوق. وسى ۇيدە ابايدىڭ اكەسى قۇنانباي قوناق رەتىندە تۇرعان. ابايدىڭ ءوزى بالالىق شاعىندا مۇندا كوپ رەت قوناق بولعان. 19 - عاسىردىڭ ەكىنشى جارتىسىندا بۇل ءۇي تاتار كوپەسى حاليوللا بەكمەتوۆكە تيەسىلى ەدى. قازىر مۇندا اۋداندىق مادەنيەت ءبولىمى ورنالاسقان.

اباي گراۆيۋراسى بار ەسكەرتكىش تاستىڭ سالماعى 2,5 توننا، بيىكتىگى - 350 سانتيمەتر.

«ءبىز تاستى قورعانتاس تاۋىنان تۇسىردىك، وندا ءبىر كەزدەرى قالماقتارمەن ۇلكەن شايقاس بولعان. تراكتورمەن ونى ۇيگە الىپ كەلىپ، جۇمىس ىستەي باستادىق. ۇلىم كوپ كومەكتەستى، ول ءوزى ەسكيزدى سالدى. سودان كەيىن ءبىز ابايدىڭ پورترەتىن تاسقا تۇسىردىك. ەسكەرتكىش تاستى دايىنداۋعا 4 كۇن ۋاقىتىمىز كەتتى» ، - دەدى ماناربەك كارىم.

ەسكەرتكىش تاس ورناتىلعان ءۇي مۇحتار اۋەزوۆتىڭ «اباي جولى» رومانىندا ەگجەي- تەگجەيلى سيپاتتالعان.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات