+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ەلوردا تورىندە ءداستۇر اسىلحان ۇلىنىڭ ءان كەشى وتەدى

9 قازان 19:02
:ءبولىسۋ
ەلوردا تورىندە ءداستۇر اسىلحان ۇلىنىڭ ءان كەشى وتەدى

نۇر- سۇلتان. قازاقپارات - 10- قازان كۇنى «استانا» كونسەرت زالىندا جاسءانشى، حالىقارالىق جانە رەسپۋبليكالىق بايقاۋلاردىڭ لاۋرەاتى، ءداستۇر اسىلحان ۇلىنىڭ «ارمانىما حات» اتتى جەكە ءان كەشى وتەدى، دەپ حابارلايدى قازاقپارات.

ەسترادا جۇلدىزدارىنىڭ قاتىسۋىمەن وتەتىن ءداستۇردىڭ تۇڭعىش ءان كەشى توسىن سىيلارعا تولى بولماق. ءانشى بۇل كونسەرتىن قول سوزعان ۇلكەن ارماندارىنىڭ العاشقى باسپالداعى ەكەنىن ايتادى.

«بۇل مەنىڭ ونەر جولىمداعىءبىرىنشى ەسەپ بەرۋ كەشىم. جالپى انگە- كۇيگە اۋەستىگىم اكەنىڭ قانىمەن انانىڭ اق سۇتىمەن كەلدى دەسەم ارتىق ايتپاعان بولار ەدىم. ارعى اتالارىمدا ونەرگە جاقىن ادامدار. اكەم - اسىلحان ناۋرىزحان ۇلى تەرمەشى، ءداستۇرلى ءانشى كىسى. سول ءۇشىن دە بولار مەنىڭ اتىمدى ءداستۇر قويعانى ونەردەگى ءداستۇرلى جولىمىزدى جاڭعىرتىپ ءجۇرسىن دەگەن بولار. ونەر جولىمدا ازدى- كوپتى ناتيجەلەرگە قول جەتكىزدىم. بارلىعى ونەردەگى ۇستازدارىمنىڭ جانە مەنى قولداپ –قۋاتتاعان حالقىمنىڭ ارقاسى دەپ بىلەمىن. نۇر- سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ قولداۋىمەن العاشقى كەشىمدى ۇيىمداستىرپ جاتىرمىن. اللا بۇيىرسا وسى كەشتە تىڭدارماندارىمدى جاڭا اندەرىممەن قۋانتسام دەيمىن. كونسەرت جاندى داۋىستا وتەتىن بولادى. وزدەرىڭىز بىلەسىزدەر بيىل قازاقستاندا «جاستار جىلى» مەن سول جاستاردىڭ جالىنىن ەلىمە كورسەتكىم كەلەدى»، - دەيدى ءانشى.

ايتا كەتەيىك، ءداستۇر اسىلحان ۇلى 1989 -جىلى قىتاي حالىق رەسپۋليكاسى تارباعاتاي ايماعى شاۋشەك قالاسىندا ونەرلى وتباسىندا دۇنيەگە كەلگەن. اكەسى تەرمەشى ءبىر ءومىرىن مادەنيەت سالاسىنا ارناعان. ال اناسى بولسا مەديتسينا سالاسىنىڭ قىزىمەتكەرى. 2003 -جىلى الماتى وبلىسى تالدىقوعان قالاسى ەسكەلدى اۋدانىنا اتا- اناسمەن بىرگە كوشىپ كەلگەن. 2008 - استانا قالاسى ساكەن سەيفۋلين اتىنداعى قازاگرو تەحنيكالىق ۋنيۆەرسيتەتىنە وقۋعا تۇسەدى. قازىر استانا قالاسى اكىمدىگىنىڭ مەملەكەتتىك اكادەميالىق فيلارمونياسىندا كلاسسيكالىق جانە ەسترادالىق ءان ءبولىمىنىڭ ءانشىسى!


2009 -جىلعى استانا قالالىق «جىگىت سۇلتانى» بايقاۋىنىڭ باس جۇلدەسىن جەڭىپ العان.

2010 –جىلى رەسپۋبليكالىق «جاسقانات» بايقاۋىنىڭ فيناليستى. 2012 - جىلى «اقمولا جۇلدىزارى» بايقاۋىنىڭ لاۋرەاتى.

2016 – جىلى شىمكەنتتە وتكەن «ءشامشى قالدياقوۆ اتىنداعى مەنىڭ قازاقستانىم حالىقارالىق ءان فەستيۆالى» ارنايى اكىم جۇلدەسىن العان. حالىقارالىق «شابىت» فەستيۆالىنىڭ فيناليستى.

ۇلتتىق ارنامىز قازاقستان تەلەارناسىنىڭ ارنايى جوباسى «قازاقستان داۋىسى» بايقاۋىنىڭ فيناليستى.

دارىندى ءانشىنىڭ انمەن جولدانار ارمانىنا اسىعايىق. كەشتىڭ باستالۋى ساعات: 19.00

وتەتىن ورنى: «استانا» كونسەرت زالى

ريزابەك نۇسىپبەك ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات