ەلباسى سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسىمەن كەزدەستى
قازاقستاننىڭ تۇڭعىش پرەزيدەنتى اگەنتتىكتىڭ تيىمدىلىگىن ارتتىرۋ اياسىندا سىبايلاس جەمقورلىققا قارسى كۇرەستە حالىقارالىق تاجىريبەنى قولدانۋدىڭ ماڭىزدىلىعىن اتاپ ءوتتى.
- ءبىز سىبايلاس جەمقورلىققا قارسى جۇيەنى جەتىلدىرۋ ءۇشىن بارلىق قاجەتتى شارالاردى قابىلدادىق. الايدا، شەت ەلدەردىڭ تاجىريبەسىن زەرتتەۋدى جالعاستىرىپ، قىلمىستىڭ وسى تۇرىمەن كۇرەسۋدىڭ وزىق تاجىريبەلەرىن ەنگىزۋىمىز كەرەك، - دەدى نۇرسۇلتان نازاربايەۆ.
سونىمەن قاتار، ەلباسى قوعامنىڭ سىبايلاس جەمقورلىققا قارسى ءىس- قيمىل پروتسەسىنە قاتىسۋى قاجەتتىگىنە نازار اۋداردى.
- حالىق سىبايلاس جەمقورلىقپەن بەلسەندى كۇرەسۋى قاجەت. زاڭ بۇزىلعان جاعدايدا ازاماتتار ۋاقتىلى حابارلاۋعا ءتيىس، ال مەملەكەت بەلسەندى ازاماتتاردى قولداۋى كەرەك، - دەدى ەلباسى.
كەزدەسۋ بارىسىندا ا. شپەكبايەۆ نۇرسۇلتان نازاربايەۆقا ورتالىق مەملەكەتتىك ورگاندارمەن جانە وبلىس اكىمدىكتەرىمەن بىرلەسىپ «ادالدىق الاڭى» جوباسىن ىسكە اسىرۋ بارىسى تۋرالى باياندادى.