+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

نۇر- سۇلتاندا ۇلتتىق سپورت ۋنيۆەرسيتەتى اشىلادى

9 قازان 18:10
:ءبولىسۋ
نۇر- سۇلتاندا ۇلتتىق سپورت ۋنيۆەرسيتەتى اشىلادى

نۇر- سۇلتان. قازاقپارات - ق ر ۇلتتىق وليمپيادا كوميتەتىنىڭ پرەزيدەنتى تيمۋر قۇلىبايەۆ نۇر- سۇلتاندا ۇلتتىق سپورت ۋنيۆەرسيتەتىن اشۋ كوزدەلىپ وتىرعانىن ءمالىم ەتتى، دەپ حابارلايدى قازاقپارات ءتىلشىسى.

«ءبىز نۇر- سۇلتان قالاسىندا ۇلتتىق وليمپيادا كوميتەتى ارقىلى العا ۇلتتىق سپورت ۋنيۆەرسيتەتىن قۇرۋدى ماقسات ەتىپ وتىرمىز. مۇنداي ناقتى ماقسات بار. الايدا وكىنىشكە قاراي ءدال قازىرگى ۋاقىتتا قارجىلاندىرۋ ماسەلەسى شەشىلگەن جوق. مۇنداي ماسەلەنى قاراستىرۋ بويىنشا مەملەكەت باسشىسى تاپسىرما بەرىپ قويعان. البەتتە، مۇنداي ۇلتتىق جوعارى وقۋ ورنىنىڭ بازاسىندا عىلىمي جۇمىستار جۇرگىزىلەدى. جەتىستىككە جەتكەن ءار سپورتشىنىڭ دايىندىعىن، پسيحيكاسىن زەرتتەيتىندەي عىلىم بولۋى كەرەك. باپكەرلەر وسى رەتتە وقۋلىق ازىرلەۋى ءتيىس. سەبەبى، بوكستى الىپ قاراعاننىڭ وزىندە بىزدە بىرەگەي جەتىستىكتەردى توپتاستىرىپ، وقۋلىق رەتىندە شىعارۋعا تولىق مۇمكىندىك بار»، - دەدى تيمۋر قۇلىبايەۆ قازاقستان بوكس فەدەراتسياسىنىڭ وتىرىسىندا.

ونىڭ ايتۋىنشا، وبلىس ورتالىقتارىندا سپورت كوللەدجدەرىن اشۋ تۋرالى ۇكىمەتتىك دەڭگەيدە تاپسىرما بار.

«سپورتشىلار وسى كوللەدجدەردىڭ بازاسىندا وقىپ، تەوريالىق ءبىلىم الىپ، سونىمەن قاتار، بولاشاقتاعى ماماندىعىن بىرگە وقىپ الىپ ءجۇرۋى ءتيىس. وبلىس ورتالىقتارىنداعى بارلىق سپورتشىلار حالىقارالىق دەڭگەيگە شىعا الماۋى مۇمكىن. سپورتشىلاردىڭ كوبى ءجاسوسپىرىم شاقتان ەرەسەكتىككە وتكەن كەزدە بولاشاعى تۋرالى ويلانا باستايدى. باپكەرلەرگە دە جۇمىس تابىلارى انىق» ، - دەدى ول.

ەسكە سالا كەتسەك، قازاقستان بوكس فەدەراتسياسىنىڭ بۇگىنگى وتىرىسىندا تيمۋر قۇلىبايەۆ اتالمىش فەدەراتسيا باسشىلىعىنان كەتەتىنىن مالىمدەگەن بولاتىن.

ونىڭ ورنىنا بەلگىلى قازاقستاندىق بيزنەسمەن كەڭەس راقىشيەۆ سايلاندى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات