+7 (701) 759 90 19
-11 °С : نۇر-سۇلتان
1 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ساپاربايەۆ ەلورداعا قونىس اۋدارۋشىلار تۋرالى: ءبىز تىيىم سالا المايمىز

9 قازان 17:10
:ءبولىسۋ
ساپاربايەۆ ەلورداعا قونىس اۋدارۋشىلار تۋرالى: ءبىز تىيىم سالا المايمىز

نۇر- سۇلتان. قازاقپارات - ۇكىمەت باسشىسىنىڭ ورىنباسارى بەردىبەك ساپاربايەۆ ءوڭىر تۇرعىندارىنىڭ ەلورداعا قونىس اۋدارۋى ماسەلەسىنە قاتىستى پىكىر ءبىلدىردى، دەپ حابارلايدى قازاقپارات ءتىلىشىسى.

«ءاربىر ادام ەلوردادا تۇرۋعا قىزىعۋشىلىق تانىتادى، سونداي- اق كوبىسى ءوز بالالارىنىڭ نۇر- سۇلتانداعى جوعارى وقۋ ورىندارىندا ءبىلىم العانىن قالايدى. بۇل تۇرعىدا ءتيىستى ءتۇسىندىرۋ جۇمىستارىن جۇرگىزۋ كەرەك، سەبەبى نۇر- سۇلتان قالاسىنىڭ مۇمكىندىگى شەكسىز ەمەس قوي. بۇل تۇرعىدا شاھاردىڭ وزىندىك قۋاتى مەن قاجەتتىلىگى بار»، - دەدى ب. ساپاربايەۆ پارلامەنت ءماجىلىسىنىڭ جالپى وتىرىسىنان كەيىن تىلشىلەر ساۋالىنا جاۋاپ بەرە وتىرىپ.

ۇكىمەت باسشىسىنىڭ ورىنباسارى بۇل ماسەلەدە تۇرعىن ۇيمەن، بالاباقشامەن جانە مەكتەپپەن قامتاماسىز ەتۋ شارالارى ەكەنىن اتاپ ءوتتى.

«ءبىز تىيىم سالا المايمىز، الايدا قاي جەردە ءتيىستى جاعداي جاسالعاندىعى تۋرالى ءتۇسىندىرۋ شارالارى جۇرگىزىلۋى كەرەك. جۇمىسسىز جانە باسپاناسىز ەلوردادا ءومىر ءسۇرۋ قيىنعا تۇسەدى»، - دەدى ب. ساپاربايەۆ.

ونىڭ سوزىنە قاراعاندا، بۇگىندە وڭىرلەردە ءومىر ءسۇرۋ جاعدايىن جاقسارتۋ بويىنشا ءتيىستى باعدارلامالار جۇزەگە اسىرىلۋدا. ماسەلەن، ەلباسىنىڭ تاپسىرماسىنا سايكەس ازىرلەنگەن «اۋىل - ەل بەسىگى» ارنايى باعدارلاماسى بار.

«وسى باعدارلامانىڭ نەگىزىندە ينفراقۇرىلىم قۇرىلۋدا. بۇل تۇرعىدا ءتيىستى جاعداي جاساۋ ءۇشىن 3 مىڭعا جۋىق ەلدى مەكەن ايقىندالدى»، - دەدى ۇكىمەت باسشىسىنىڭ ورىنباسارى.

ەسكە سالساق، كەشە ق ر پرەزيدەنتى قاسىم- جومارت توقايەۆتىڭ قاتىسۋىمەن وتكەن جيىندا ەلوردا اكىمى التاي كولگىنوۆ قالا حالقىنىڭ سانى تۇراقتى ءوسىپ كەلە جاتقانى تۋرالى ايتقان ەدى.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات