بولمەدەگى قۇرعاق اۋا نەسىمەن قاۋىپتى؟

نۇر-سۇلتان. قازاقپارات - رادياتورلار مەن جىلىتقىشتار ۇيدەگى اۋانى قاتتى قۇرعاتىپ جىبەرەدى جانە وتتەكتى جاعىپ تاۋىسادى. ال بولمەدەگى وتە قۇرعاق اۋا يممۋنيتەتتى السىرەتەدى، سەبەبى وتتەك جەتىسپەۋشىلىگىنەن بارلىق جاسۋشا قينالىپ، «شولدەي» باستايدى.

ەگەر گيپوكسيانىڭ (وتتەك ازايۋى) العاشقى بەلگىلەرىن بايقاساڭىز، بىردەن شارا قولدانۋ كەرەك. سەبەبى يممۋنيتەتىڭىز السىرەگەندىكتەن تۇماۋ ينفەكتسيالارىن جۇقتىرىپ الاسىز. گيپوكسيانىڭ بەلگىلەرىنە ءجيى باس اۋىرۋ، السىزدىك، شارشاي بەرۋ جانە ۇيقىنىڭ بۇزىلۋى جاتادى. شىرىشتى قابىقتا يممۋندى قورعاۋشى جاسۋشالار كوپ. ولار اعزاعا  قاۋىپتى جۇقپالاردىڭ كىرىپ كەتۋىنە قارسى تۇرادى. ال شىرىشتى قابىق قۇرعاپ كەتسە، باكتەريالار مەن ۆيرۋستار مۇرىن قۋىسىندا ولمەي، اعزاعا وڭاي ءوتىپ كەتەدى. سونداي- اق قۇرعاق اۋادا شاڭ، ءجۇن جانە باسقا دا اللەرگەندەر كوپ جينالادى. سوندىقتان اللەرگيالىق جوتەل باستالادى. قۇرعاق اۋا كەسىرىنەن كوزدىڭ شىرىشتى قابىعى دا قينالادى، سوندىقتان كونيۋنكتيۆيت سياقتى كوز اۋرۋلارى ورىن الادى. وتتەك جەتىسپەگەندىكتەن باسىڭىز اۋىرا بەرەدى، جۇمىسقا قابىلەتتىلىگىڭىز ءتۇسىپ كەتەدى، ۇيقىڭىز مازاسىز بولىپ، اعزا جەتكىلىكتى تۇردە دەمالا المايدى.

ءۇي ىشىندەگى قۇرعاق اۋامەن كۇرەسۋدىڭ جولدارى

- ۇيگە تازا اۋانىڭ كىرۋىن قاداعالاپ، ءۇيدىڭ ءىشىن كۇنىنە 6 رەتكە دەيىن جەلدەتىڭىز. اسىرەسە، ۇيىقتار الدىندا تەرەزەلەردى ۇزاقتاۋ اشىپ، دۇرىستاپ جەلدەتىڭىز. سول كەزدە ۇيقىڭىز قالپىنا كەلەدى. - بولمەنى جيناڭىز. ارتىق زاتتىڭ ءبارىن شكافتارعا سالىپ تاستاڭىز. سەبەبى شاشىلىپ جاتقان كيىمدەر مەن باسقا دا زاتتار

 -  ناعىز شاڭسورعىشتار. - بولمەنى تازارتىڭىز. ءجيى ىلعال شۇبەرەكپەن شاڭداردى ءسۇرتىپ، كۇندە ەدەندى جۋىپ تۇرىڭىز. - بولمە گۇلىن الىڭىز. سەبەبى بولمە گۇلدەرى وتتەك جەتىسپەۋشىلىگىنەن قۇتقارادى. ءبىراق گۇلدەر دە وتتەك ازدىعىنان قينالادى. سوندىقتان گۇلدەردى ۋاقىتىلى سۋارىڭىز.

 - بولمەگە سۋ شاشىڭىز. ءبىر ۋاقىت ءبولىپ، بولمەدەگى اۋاعا، گۇلدەرگە جانە اۋىر جاپقىشتارعا سۋ شاشىپ شىعىڭىز. اۋانىڭ بالعىن بولا تۇسكەنى بىردەن سەزىلەدى.

 - بولمەنىڭ اۋاسى قاتتى قۇرعاق بولسا، سۇلگى نەمەسە جايمانى سۋلاپ، باتارەياعا ءىلىپ قويۋعا بولادى. ونى ۋاقىتىلى سۋلاپ تۇرۋ كەرەك.

 - ادام اعزاسى ىلعال جەتىسپەۋى تۋرالى بەلگىنى كەش بەرەدى. قاتتى شولدەگەنىڭىزدى كۇتپەي، از- ازدان قايتا- قايتا تازا سۋ ىشە بەرىڭىز.

 - ۇلكەن اكۆاريۋم بولمەدەگى ىلعالدىلىقتى %15 عا ارتتىرادى. اكۆاريۋمنىڭ ورنىنا بولمەگە قوياتىن شاعىن دەكوراتيۆتى فونتان الۋعا بولادى.

 - بومەگە سۋى بار ىدىس قويۋعا بولادى. ادام ءوزىن %55-70 ىلعالدىلىقتا جايلى سەزىنەدى. بولمەدەگى اۋا ىلعالدىلىعىن گيگرومەترمەن ولشەۋگە نەمەسە قاراعاي بۇرشىگىن قويۋعا بولادى. ەگەر اۋا قۇرعاق بولسا، ونىڭ قابىرشاقتارى اشىلادى. ەگەر اۋا ىلعال بولسا، قابىرشاقتار جابىلادى. اۋا ىلعالداندىرعىش ۇيدەگى اۋانىڭ ىلعالدىلىعىن قالىپتى جاعدايدا ۇستاپ تۇرۋعا اۋا ىلعالداندىرعىشتار كومەكتەسەدى. ونىڭ مەحانيكالىق، بۋلى جانە ۋلترادىبىستىق تۇرلەرى بولادى. مەحانيكالىق اۋا ىلعالداندىرعىش اۋانى كارتريدج ارقىلى ايدايدى. ول اۋانى شاڭنان تازارتادى جانە ىلعالداندىرادى. ونىڭ كەمشىلىگى -  ول شۋلى قۇرىلعى. بۋلى اۋا ىلعالداندىرعىش شاينەك سياقتى جۇمىس ىستەيدى. ونىڭ ىشىندەگى سۋ قايناپ، بۋ ارقىلى شىعادى. اۋا جىلدام ىلعالدانادى. ونىڭ كەمشىلىگى -  وعان كۇيىپ قالۋ قاۋپى بار. ەگەر ۇيدە كىشكەنتاي بالالار بولسا، ونىڭ باسقا ءتۇرىن العان ءجون. ۋلترادىبىستىق اۋا ىلعالداندىرعىشتار سۋ سۋىق بۋعا اينالاتىن ارنايى مەمبرانامەن جابدىقتالعان. ونىڭ ارتىقشىلىقتارى -  سالىستىرمالى تۇردە باعاسى ارزان، ىلعالدىلىق دەڭگەيىن تاڭداۋعا بولادى جانە قاتتى شۋلامايدى. ال كەمشىلىگى -  مۇنداي ىلعالداندىرعىش سەبەبىنەن جيھازدا اقشىل قاتپار (نالەت) ءتۇزىلۋى مۇمكىن. وعان تازارتىلعان (ديستيلدەنگەن) سۋ قولدانۋ كەرەك.

Massaget.kz