كەڭەس راقىشيەۆ قازاقستان بوكس فەدەراتسياسىنىڭ پرەزيدەنتى بولىپ سايلاندى
«ۇلتتىق وليمپيادا كوميتەتىنىڭ پرەزيدەنتى رەتىندە بوكستىڭ دامۋىنا ۇلەسىمدى قوسا بەرەمىن. الدا قويعان مىندەتتەردى ورىنداپ كەلەمىز. الداعى ۋاقىتتا دا سولاي بولارىنا سەنەمىن. ءوز ورنىما كەڭەس راقىشيەۆتى ۇسىنامىن»، - دەدى تيمۋر قۇلىبايەۆ ەلوردادا وتكەن قازاقستان بوكس فەدەراتسياسىنىڭ وتىرىسىندا.
فەدەراتسيا مۇشەلەرىنىڭ بارلىعى ءبىراۋىزدان كەڭەس راقىشيەۆتىڭ قازاقستان بوكس فەدەراتسياسى باسشىلىعىنا كەلۋىنە داۋىس بەردى.
وتىرىس بارىسىندا 2009 -جىلدان بەرى قازاقستان بوكس فەدەراتسياسىن باسقارىپ كەلە جاتقان تيمۋر قۇلىبايەۆقا «قازاقستان بوكس فەدەراتسياسىنىڭ قۇرمەتتى پرەزيدەنتى» اتاعى بەرىلدى.
ەسكە سالا كەتسەك، بوكس فەدەراتسياسىنىڭ بۇگىنگى وتىرىسىندا قازاقستان بوكس فەدەراتسيانىڭ پرەزيدەنتى تيمۋر قۇلىبايەۆ قىزمەتىنەن كەتەتىنىن مالىمدەگەن بولاتىن.
اۆتور: ايان بەكەن ۇلى