+7 (701) 759 90 19
5 °С : نۇر-سۇلتان
2 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

بۇكىل الەم بويىنشا قاعازعا دەگەن سۇرانىس ارتۋدا

9 قازان 15:04
:ءبولىسۋ
بۇكىل الەم بويىنشا قاعازعا دەگەن سۇرانىس ارتۋدا

نۇر-سۇلتان. قازاقپارات - «كومپيۋتەرلەر، سمارتفوندار مەن ەلەكتروندى كىتاپ داۋىرىندە گازەتتەر مەن كىتاپتاردىڭ داۋرەنى ءوتتى دەپ ويلاساڭىز - قاتەلەسەسىز. سەبەبى، قاعاز ءوندىرىسى گۇلدەنىپ جاتىر»، دەپ جازادى BBC.

ماقالا اۆتورىنىڭ ايتۋىنشا، بۇگىندە الەمدە جىلىنا 400 ميلليون توننا قاعاز قولدانىلادى.

«اقشا، كارتون قوراپشالار، تۇبىرتەك، تاماق پىسىرۋگە ارنالعان قاعاز، جۇمىرتقا قاعازى، قۇتتىقتاۋ اشىقحاتتارى جانە تاعى دا باسقا ۇساق- تۇيەكسىز ءومىردى ەلەستەتۋ مۇمكىن بولماي كەتتى. ءبىز قولما- قول اقشاسىز قوعامعا قاراي اياق باسقانىمىزبەن، قاعازسىز قوعامدى ەلەستەتۋ مۇمكىن ەمەس»، - دەپ جازادى ول.

ايتىلىپ وتكەندەي، بۇكىل الەم بويىنشا قاعازعا دەگەن سۇرانىس ارتقان.

«بۇگىنگى كۇنى ءبىز بىررەتتىك پلاستماسسادان باس تارتىپ جاتقاندىقتان، ونىڭ ورنىن الماستىرۋعا نەگىزگى ۇمىتكەر قاعاز بولىپ وتىر. سوڭعى جىلدارى كوپ سالا وكىلدەرى قاعاز پاكەتتەرگە كوشتى. دەگەنمەن، شىن مانىندە قاعاز قانشالىقتى تۇراقتى؟ ونىڭ قورشاعان ورتاعا قانداي اسەرى بار؟»، - دەيدى اۆتور.

ونىڭ سوزىنشە، قاعاز ءوندىرۋدىڭ ءار ساتىسى سۋدى قاجەت ەتەدى.

«ءوندىرىس سالاسى سۋدى وتە كوپ مولشەردە قاجەت ەتەدى. ءبىر عانا ا4 قاعازىن دايىنداۋ ءۇشىن 2-13 ليتر سۋ قاجەت. قاعاز ءوندىرىسى بويىنشا ءبىرىنشى ورىندا تۇرعان قىتايدا ءبىر جىلدا قاعاز وندىرۋگە ءۇش تريلليون ليتر سۋ كەتكەن»، دەلىنگەن ماقالادا.

قاعاز ءوندىرىسى كوپ ەنەرگيانى دا قاجەت ەتەتىن بولىپ شىقتى.

«زەرتتەۋ ناتيجەلەرى كورسەتكەندەي، الەمدىك قاعاز ءوندىرىسى جىلىنا 6,4 ەكزادجوۋل (ە د ج) ەنەرگيانى تۇتىنادى. بۇل، 87 تريلليون كەسە شاي قايناتۋعا جەتەتىن ەنەرگيا. سونىمەن قاتار الەمدىك قاعاز ءوندىرىسى ءۇشىن جىلىنا 100 ميلليون گەكتار ورمان كەسىلەدى»، دەپ جازادى BBC .

بۇگىندە قاعاز قالدىق رەتىندە ەمەس، تەك تاۋار رەتىندە قاراستىرىلادى. دەگەنمەن، ونىڭ ەكولوگياعا اسەرىن دە ەسكەرۋ كەرەك.

اۆتور: ايكۇمىس بولاتبەك


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات