تارازداعى جازاسىن وتەۋشىلەر ءناپاقا تاۋىپ، وتباسىن اسىراۋدا

تاراز. قازاقپارات - تاراز قالاسىندا تۇزەۋ مەكەمەلەرىندە ەڭبەك تەراپياسى قولعا الىنۋدا.

سول ارقىلى اباقتىداعىلار ءناپاقا تاۋىپ وتباسىن اسىراپ وتىر، دەپ حابارلايدى قازاقپارات ءتىلشىسى.

ال بۇل ءوز كەزەگىندە كاسىپكەرلەرگە دە ءتيىمدى. قايتالانباس قولونەر تۋىندىلارى، ارزانقول جۇمىس كۇشى، ساپالى تاۋار.

بۇل ءۇردىس جامبىل وبلىسىنداعى ق ا ج د ج د-158/7 مەكەمەسىندە دە باستاۋ العان. بۇگىندە مەكەمە اۋماعىندا 12 جەكە كاسىپكەرلىك جۇيەلى جۇمىس ىستەپ وتىر. وندا سوتتالعانداردىڭ 90 پايىز تۇراقتى جۇمىسپەن قامتىلعان. ولاردىڭ دەنى ءار ءتۇرلى ءونىم شىعارار وندىرىستىك باعىتتا بولسا، كوبىنە شيكىزات رەتىندە اعاشتى قولدانادى.

«اعاش ونىمدەرىنىڭ جانۋعا بەيىم بىردەن-ءبىر ماتەريال ەكەندىگىن ەسكەرسەك، ساقتىقتا قورلىق جوق. سوندىقتان ارنايى جيىندار وتكىزىپ، ءتيىستى سالا ماماندارى، تەحنيكالىق قاۋىپسىزدىك شارالارىن ءتۇسىندىرۋ ۇستىندە. توتەنشە جاعدايلاردىڭ الدىن الىپ، ءتىلسىز جاۋدان ساقتانۋ ماقساتىندا سوتتالعان جەكە كاسىپكەرلەردى وندىرىستىك اۋماقتارىن مىقتاپ قامداۋعا شاقىرۋدامىز»، - دەيدى مەكەمە باستىعىنىڭ مىندەتىن اتقارۋشى، ادىلەت پودپولكوۆنيگى المازبەك ازيزبەكوۆ.

اۆتور: عيبرات سەمباي