نوتانى ويلاپ تاپقان كىم؟

نۇر-سۇلتان. قازاقپارات - نوتا دەسە كەز- كەلگەنىمىزدىڭ كوز الدىمىزعا يرەلەڭدەگەن بەينە مەن مۋزىكا ەلەستەيدى.

ال وسى مۋزىكالىق نوتالاردى كىم ويلاپ تاپقانىن بىلەسىز بە؟ Ⅺ عاسىرعا دەيىن مۋزىكالىق تۋىندىلاردىڭ بولشەكتەرى سىزىقشا مەن نۇكتە ارقىلى بەلگىلەنگەن. پۋنكتۋاتسيانىڭ ناقتى ەرەجەسىز بەلگىلەنۋى اۋەننىڭ ءار ورىنداۋدا وزگەرىپ كەتۋىنە الىپ كەلەتىن بولعان.

ءبىزدىڭ زامانىمىزدىڭ 991-1033 -جىلدارى ارالىعىندا ءومىر سۇرگەن گۆيدو ارەسسو ەسىمدى ءدىن قىزمەتكەرى قازىرگى قولدانىستا جۇرگەن نوتالاردى جۇيەگە كەلتىردى. جەتى نوتانىڭ ءبىر گامما دەپ الىپ، رەتىمەن قولدانىلعان مۋزىكالىق بەلگىلەردى شارشىمەن بىلگىلەيدى. ال ءبىر گاممانىڭ بولشەكتەرى ەرتە ورتا عاسىرلاردا شىركەۋدە اۋليە اتىنا ورىندالعان ءان سوزدەرىنەن الىنادى. ءاننىڭ ءتۇپنۇسقاسى لاتىن تىلىندە جازىلىپتى.

ءار قاتارداعى ەكى ءارىپ ءبىر نوتانىڭ اتىن بىلدىرگەن. كەيىننەن ۇندەسۋدى ساقتاۋ ءۇشىن ءبىرىنشى نوتانى «do» اتاۋىنا وزگەرتەدى. سەبەبى ءاندى داۋىسسىز دىبىستان باستاپ ايتقان يكەمدى.

ال سوڭعى نوتا اتاۋى ەڭ تومەنگى قاتارداعى ارىپتەردىڭ باس ارىپتەرىنەن قۇرالادى. كونە لاتىن تىلىندە «si « قۇدايعا تابىنۋ دەگەندى بىلدىرگەن. ارەسسونىڭ جاڭالىعى مۋزىكا الەمىندە ءالى كۇنگە دەيىن قولدانىپ كەلەدى.

سونىمەن نوتا اۆتورى گۆيدو ارەسسو.

oinet.kz