كولىگىنىڭ كولەڭكەسى ءۇشىن ايىپپۇل تولەيتىن بولدى

نۇر-سۇلتان. قازاقپارات - ماسكەۋدىڭ جۇرگىزۋشىسى مىناداي ءبىر قىزىق وقيعاعا تاپ بولدى. ونىڭ ۇيىنە ەشقانداي جول ەرەجەسىن بۇزباسا دا ايىپپۇل تولەۋگە قاعاز كەلىپتى.

تۇرعىن وقيعانىڭ ءمان-جايىن انىقتاۋ ءۇشىن ماماندارعا بارعان.

سويتسەك ءبارىن «بۇلدىرگەن» ونىڭ ماشينەسىنىڭ كولەڭكەسى ەكەن. جول ەرەجەسىن بۇزعانداردى جازىپ الاتىن كامەرا كورسەتكەندەي جولاۋشىنىڭ Honda CR-V اۆتوموبيلى ەرەجەگە ساي كەلە جاتقان.

الايدا كولىكتىڭ كولەڭكەسى ەكى جولدى ءبولىپ تۇرعان سىزىقتى باسىپ وتكەن كورىنەدى. ەندى ماسكەۋلىك كولەڭكە ءۇشىن ايىپپۇل تولەيتىن بولعان ەدى. ءبىراق، كەيىننەن رەسەيلىك گ ي ب د د كولىك يەسىنە كولەڭكە ءۇشىن ايىپپۇل تولەتپەيتىن بولىپ شەشىم قابىلدادى.