+7 (701) 759 90 19
-10 °С : نۇر-سۇلتان
1 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

رەسەيدەگى قورعان وبلىسىنىڭ ماكۋشين اۋدانىندا العاشقى قازاق سىنىبى اشىلدى

9 قازان 09:54
:ءبولىسۋ
رەسەيدەگى قورعان وبلىسىنىڭ ماكۋشين اۋدانىندا العاشقى قازاق سىنىبى اشىلدى

پەتروپاۆل. قازاقپارات - قورعان وبلىسىنىڭ ماكۋشين اۋدانىندا العاشقى قازاق سىنىبىنىڭ اشىلۋىنا وراي سولتۇستىك قازاقستان وبلىسىنان دەلەگاتسيا بارىپ، ادىستەمەلىك وقۋلىقتاردى سىيعا تارتتى، دەپ حابارلايدى قازاقپارات ءتىلشىسى.

قورعان وبلىسىندا بۇگىندە 12 مىڭعا جۋىق ەتنيكالىق قازاق تۇرادى. ەرەسەكتەر جاعى انا ءتىلىن جانە ۇلتتىق مادەنيەتتى ۇكىمەتتىك ەمەس ۇيىمداردىڭ قۇرامىندا قوعامدىق قىزمەتتى جۇزەگە اسىرۋ بارىسىندا قولدانۋعا مۇمكىندىك السا، بالالارعا قازاق ءتىلىن مەڭگەرۋ قيىندىق تۋدىراتىن. بۇل ماسەلە ەندى شەشىمىن تاۋىپ وتىر.

قازاقستان حالقى اسسامبلەياسىنىڭ وبلىستىق فيليالىنىڭ مالىمەتىنشە، يگى باستاماعا قورعان وبلىسى قازاقتارىنىڭ ۇلتتىق- مادەني اۆتونومياسىنىڭ ءتوراعاسى قايرات ورالوۆ مۇرىندىق بولدى. ماكۋشين اۋدانىندا قازاق سىنىبىنىڭ اشىلۋ سالتاناتىنا وڭىردەن تىلدەردى دامىتۋ جونىندەگى باسقارما، «دۇنيەجۇزى قازاقتارى قاۋىمداستىعى» رەسپۋبليكالىق قوعامدىق بىرلەستىگىنىڭ وبلىستىق فيليالى جانە «قوعامدىق كەلىسىم» كمم وكىلدەرى كىرگەن دەلەگاتسيا باردى.

ءىس- شاراعا قاتىسۋشىلار قازاقستان مەن رەسەي وڭىرلەرى اراسىنداعى شەكارالىق ىنتىماقتاستىقتى نىعايتۋ بويىنشا ماڭىزدى ماسەلەلەردى تالقىلادى.




«قازاقى ءداستۇر بويىنشا سىنىپ وقۋشىلارى مەن ولاردىڭ اتا-انالارى ءبىزدى شاشۋ شاشىپ قارسى الدى. قازاق سىنىبىنىڭ اشىلۋى ەلدەگى ۇلتارالىق كەلىسىمدى بەكىتەدى، ەكى وبلىستىڭ عانا ەمەس، قازاقستان مەن رەسەي اراسىنداعى دوستىق قارىم- قاتىناستى دامىتادى. مۇنداي ءىس- شارالار الەۋمەتتىك- ساياسي، ءبىلىم بەرۋ، دەنساۋلىق ساقتاۋ جانە مادەنيەت سالالارىندا ءوزارا تاجىريبە الماسۋعا مىقتى تۇعىرناما»، - دەيدى دەلەگاتسيا مۇشەلەرى.

سولتۇستىك قازاقستاندىقتار رەسەي قازاقتارى ءۇشىن قۇندى سىيلىق - قازاق ءتىلىن ۇيرەنۋ بويىنشا عىلىمي- ادىستەمەلىك ادەبيەتتەردى ۇسىندى. وقۋ قۇرالدارىنىڭ 50 گە جۋىق داناسى وقۋشىلارعا ءتىلدى ءتيىمدى جانە تەرەڭدەتىپ وقۋعا مۇمكىندىك بەرمەك.

اۆتور: اقەركە داۋرەنبەك قىزى


باستى سوزدەر: شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات