ەلوردالىقتار جولاقىنى بانك كارتالارىمەن تولەي الادى
«ءبىز 20-باعداردا جولاقىسىن Visa بانك كارتالارى ارقىلى تولەۋ مۇمكىندىگىن ەنگىزدىك. بۇل استانالىق قوعامدىق كولىكتىڭ تۇراقتى پايدالانۋشىلارى ءۇشىن عانا ەمەس، سونىمەن بىرگە قازاقستان وڭىرلەرىنەن جانە شەت ەلدەردەن كەلگەن قوناقتار ءۇشىن دە قولايلى، ويتكەنى كولىك كارتاسىن ساتىپ الۋ قاجەتتىلىگىن بولدىرمايدى، تۋريستەرگە ولار ءۇشىن ادەتتەگى حالىقارالىق كارتالاردىڭ كومەگىمەن تولەۋ مۇمكىندىگىن بەرەدى»، - دەلىنگەن كومپانيانىڭ facebook-تەگى پاراقشاسىندا.
اتالعان جوبا ازىرگە تەستىلىك رەجيمدە ىسكە اسىرىلدى جانە قوعامدىق كولىكتىڭ №20 -قالالىق باعدارىندا جۇمىس ىستەيتىن بولادى.
«بانك كارتاسىمەن تولەۋ كەزىندەگى ساپاردىڭ قۇنى قولما-قول اقشاسىز تولەۋدىڭ باسقا تاسىلدەرى كەزدەگىدەي - 90 تەڭگەنى قۇرايدى. كوميسسيا الىنبايدى. الايدا Visa كارتاسىن پايدالانۋشىلار ءۇشىن اكسيا باستالدى. بانك كارتاسىمەن تولەگەن كەزدە ءبىر ساپاردىڭ قۇنى نەبارى 45 تەڭگەنى قۇرايتىن بولادى»، - دەيدى Astana LRT.
اۆتور: رۋسلان عابباسوۆ