قازاقستان مەن رەسەي حوككەيشىلەرى ويىن بارىسىندا توبەلەسىپ قالدى

نۇر-سۇلتان. قازاقپارات- وسكەمەندىك «التاي» ح ك مەن نوۆوسىبىردەگى «سيبيرسكي سنايپەر» اراسىندا جاپپاي توبەلەس بولدى دەپ حابارلايدى KAZ. NUR. KZ.

ۆيدەو YouTube-ارناسىندا پايدا بولدى.

قازاقستاندىق جانە رەسەيلىك حوككەيشىلەر اراسىنداعى توبەلەس جاستار حوككەي ليگاسىنىڭ (ج ح ل) ماتچىندا ورىن الدى.

بارلىعى «التايدىڭ» ماتچ اياقتالار كەزدە 2:1 ەسەبىمەن الدا كەلە جاتقان ۋاقىتىندا قازاقستاندىق نيكيتا ۆولوسەنكوۆ پەن رەسەيلىك نيكيتا ەفرەموۆتىڭ قاقتىعىسىنان باستالدى.

تورەشىلەر ءتارتىپ بۇزۋشىلارعا جازا تاعايىنداپ جاتقانشا، توبەلەسكە قالعان حوككەيشىلەر قوسىلدى.

ماتچتىڭ كوممەنتاتورى بولعان جايتتى «مۇز ايدىنى توبەلەسى» دەپ اتادى

ناتيجەسىندە، «التاي» ويىنشىلارى 134 مينۋت ايىپپۇل الىپ، الاڭ يەلەرىنە 124 مينۋتقا ايىپپۇل سالىندى.

ايتا كەتەيىك، بۇگىن، 9 -قازاندا كوماندالار قايتا كەزدەسەدى.

دەرەككوز: NUR. KZ