قاراقۇيرىق اتقاندار ۇستالدى

تاراز. قازاقپارات - جامبىلدىق پوليتسەيلەر قىزىل كىتاپقا ەنگىزىلگەن جانۋارلاردى اۋلاعان براكونەرلەردى ۇستادى، - دەپ حابارلايدى قازاقپارات.

اعىمداعى جىلدىڭ 6 -قازانى كۇنى تۇندە بايزاق اۋدانىنىڭ ءتورت تۇرعىنى «نارتاي» قۇمدى القابىندا قىزىل كىتاپقا ەنگىزىلگەن جانۋارلار ءتۇرى - قاراقۇيرىقتاردى زاڭسىز اتقان.

براكونەرلەردىڭ «تويوتا» ماركالى اۆتوكولىگىنەن پوليتسيا قىزمەتكەرلەرى جانۋارلاردىڭ تۇتاس ەتىن تاپتى.

«ەكى قاراقۇيرىق تىركەلگەن قوس ۇڭعىلى اڭشى مىلتىعىنان ولتىرىلگەن، الايدا اڭشىلاردىڭ اڭ اۋلاۋعا رۇقسات ەتىلگەن قۇجاتتارى بولماعان. اتالعان دەرەككە قاتىستى بايزاق اۋداندىق پوليتسيا بولىمىمەن قىلمىستىق كودەكستىڭ 337-بابى، 1-ءبولىمى، ياعني جانۋارلاردى جاپپاي قىرىپ- جوياتىن وزگە دە قۇرالداردى قولدانا وتىرىپ زاڭسىز اڭ اۋلاۋ ارەكەتى بويىنشا سوتقا دەيىنگى تەرگەپ-تەكسەرۋ امالدارى باستالدى»، - دەيدى وبلىستىق پوليتسيا دەپارتامەنتىنىڭ باسشىسى ارمان ورازاليەۆ.

ۇستالعان كۇدىكتىلەردەن اڭشى مىلتىعى تاركىلەنگەن.