جامبىلدا بالا ۇرلىعى تۋرالى جالعان حابار تاراتقان ايەل جۇرتتان كەشىرىم سۇرادى

None
None
تاراز. قازاقپارات - جامبىلدا بالا ۇرلىعى تۋرالى جالعان اقپارات تاراتقان 54 جاستاعى ايەل كوپشىلىكتەن كەشىرىم سۇراپ، ءوز ىسىنە وكىنەتىنىن ايتتى، - دەپ حابارلايدى قازاقپارات.

ايتا كەتەيىك، وسىدان ەكى-ءۇش كۇن بۇرىن «WhatsApp» مەسسەندجەرىندە ايەل ادام بايزاق اۋدانى سارىكەمەر اۋىلىندا بەلگىسىز ادامداردىڭ جاس بالانى ۇرلاۋعا ارەكەت جاساعانى تۋرالى حابارلاما تاراتقان بولاتىن. اتالعان اقپارات كوپشىلىكتىڭ كوڭىلىنە ۇرەي ۇيالاتىپ، قورقىنىش تۋدىرعان ەدى.

الايدا وبلىستىق پوليتسيا دەپارتامەنتى ونداي وقيعا تىركەلمەگەنىن، حابارلامانىڭ جالعان دەرەككە قۇرىلعانىن جەتكىزدى.

«حابارلاما تاراعان كۇنى پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ ناتيجەسىندە اۋديوجازبانى تاراتقان بايزاق اۋدانى سارىكەمەر اۋىلىنىڭ تۇرعىنىن انىقتادى. شىندىققا جاناسپايتىن اقپارات تاراتقان 54 جاستاعى ايەل ءوز ارەكەتى ءۇشىن تۇرعىنداردان كەشىرىم سۇرادى»، - دەلىنگەن ۆەدومستۆو مالىمدەمەسىندە.

سونداي-اق، وبلىستىق پوليتسيا دەپارتامەنتى كورىنەۋ جالعان اقپارات تاراتۋدىڭ قىلمىستىق جاۋاپكەرشىلىككە اكەپ سوعاتىنىن ەسكەرتەدى.

اۆتور: عيبرات سەمباي

سوڭعى جاڭالىقتار