تەلەفوندى قالاي ازىراق قولدانۋعا بولادى؟
ءبىر قاراعاندا كوپ ەمەس، ءبىراق بۇل دەگەنىمىز - جىلىنا 49 كۇن. بۇل ورتاشا ەسەپپەن الىنعان مالىمەت، ال ارامىزدا ودان دا ۇزاق وتىراتىندار جەتكىلىكتى. قازىرگى ءومىرىمىزدى سمارتفونسىز ەلەستەتۋ قيىن. ول ارقىلى ساناۋلى سەكۋندتار ىشىندە كەز كەلگەن اقپاراتقا قول جەتكىزەسىز، جاقىن ادامدارىڭىزبەن بايلانىس ورناتاسىز، ەشقاشان بارىپ كورمەگەن ەلدەردى كورە الاسىز...
ءبىراق سمارتفوندى شەكتەن تىس قولدانۋ ءوزىن- ءوزى باعالاۋدى تومەندەتەدى، كۇيزەلىس دەڭگەيىن كوتەرەدى جانە ومىردەن ءلاززات الۋعا كەدەرگى بولادى. ەندەشە، تەپە- تەڭدىكتى قالاي تابۋعا بولادى؟ اركىم ءۇشىن ونىڭ «قاق ورتاسى» ءارتۇرلى. بۇل ۇيلەسىمدى تابۋعا كومەكتەسەتىن بىرنەشە كەڭەس ۇسىنامىز.
سمارتفونمەن قارىم- قاتىناسىڭىزدى زەرتتەڭىز
سمارتفوندا وتكىزەتىن ۋاقىتىڭىزدىڭ قانشا بولىگى ءونىمدى؟ الدە تەلەفونعا قاراي بەرۋ ادەتكە اينالدى ما؟ حابارلامانى قانشالىقتى ءجيى تەكسەرەسىز؟ ونى انىقتاۋعا ارنايى باعدارلامالار (Rescuetime, Checky, Moment) كومەكتەسەدى. بۇل باعدارلاماداعى مالەمەتتەرگە قاراپ، ۋاقىتىڭىزدىڭ كوپ بولىگى نە نارسەگە كەتەتىنىن وڭاي كورۋگە بولادى.
قاجەت ەمەس قوسىمشالاردى «تىعىپ» قويىڭىز
ءبىز قوسىمشالاردى ءجيى ساناسىز تۇردە اشامىز. ول قوسىمشالارعا كىرەتىن ويىمىز بولماسا دا، تەلەفوندى ۇستاعان بويدا ونى اۆتوماتتى تۇردە اشامىز. بۇل ادەتتەن قۇتىلۋعا بولادى: ول ءۇشىن ونداي قوسىمشالاردى سمارتفوننىڭ باس بەتىنەن الىپ، پاپكالارعا سالىپ قويىڭىز. باستىسى، اركەز تەلەفوندى قولىڭىزعا العان كەزدە تانىس بەلگى كوز الدىڭىزدا تۇرماۋى كەرەك. تاعى ءبىر ءادىس - اسا پايدالى ەمەس قوسىمشالاردى (مىسالى، الەۋمەتتىك جەلىلەر) ءوشىرىپ تاستاۋ. ەگەر حاتتى وقىپ جىبەرۋ نەمەسە سۋرەت جازىپ الۋ كەرەك بولسا، ونىڭ ۆەب- نۇسقاسىنا دا كىرە الاسىز. الەۋمەتتىك جەلىلەر ارقىلى جۇمىس ىستەمەسەڭىز، ونى ءوشىرىپ تاستاعاننان ەشتەڭە جوعالتپايسىز.
حابارلامانى ءوشىرىپ تاستاڭىز
ارينە، بارلىق حابارلامانى ءوشىرۋدىڭ قاجەتى جوق. ءبىراق سمارتفونىڭىزعا ورناتىلعان ونداعان قوسىمشالار ءسىزدىڭ جەدەل رەاكسياڭىزدى قاجەت ەتپەيدى. سۋرەتكە قويىلعان لايكتار، ويىنداعى سىيلىقتار، جاڭارتىلعان باعدارلاما تۋرالى جاڭالىقتار - ولاردىڭ ءبارى كۇتە تۇرادى. حابارلامانىڭ كوپشىلىگىن ءوشىرىپ تاستاپ، ماڭىزدى نارسەدەن قالىپ قوياتىنداي ۋايىمداماڭىز. ءسىز ەشتەڭە جوعالتپايسىز، كەرىسىنشە، اينالاڭىزعا، شىنايى ومىرگە ءمان بەرە باستايسىز. از ءسوز قولدانىڭىز بىتپەيتىن ماتىندىك حاتتار جازا بەرگەنشە، سوزدەردىڭ ورنىنا ستيكەرلەر مەن سمايليكتەر قولدانىڭىز.
جاڭا حوببي تابىڭىز
بۇل كەڭەس ءبىر قاراعاندا «ءبىرتۇرلى» كورىنۋى مۇمكىن. ءوزى ۋاقىت جوق كەزدە قاي ۋاقىتتا جاڭا ىسپەن اينالىسۋعا بولادى؟ ءبىر جاعىنان، زەرىگۋ - ادامنىڭ سمارتفونعا «كىرىپ كەتۋىنىڭ» ەڭ كەڭ تارالعان سەبەبى. دوستارىڭىزدىڭ نەمەسە تانىمايتىن ادامداردىڭ سۋرەتتەرىن قاراپ، كوڭىلىڭىزدى ءتۇسىرىپ، لەنتا مەن يستوريانى تاۋىسقانشا وتىرا بەرگەنشە، يوگامەن اينالىسۋعا، سۋرەت سالىپ ۇيرەنۋگە نەمەسە تاماق دايىنداۋعا بولادى. بۇلاردى ۇيرەنۋگە كۇنىنە 1 ساعاتتىڭ ءوزى جەتكىلىكتى، ال ناتيجەسى ءسىزدى ۇزاق كۇتتىرمەيدى.