الماتى تۇرعىنى وزەندە ءجۇزىپ جۇرگەن ءبىرتۇرلى جاراتىلىستى ۆيدەوعا ءتۇسىرىپ الدى

نۇر-سۇلتان. قازاقپارات - الماتى تۇرعىندارى ەسەنتاي وزەنىندە ءجۇزىپ جۇرگەن ۇلكەن «قۇرتتى» ۆيدەوعا ءتۇسىرىپ الدى. ءبىرتۇرلى جاراتىلىس تۇرعىنداردى قايران قالدىردى.

 بۇل تۋرالى Sputnik حابارلايدى.

«ايتارلىقتا ۇلكەن «قۇرت» . شامامەن ون سانتيمەتر بولاتىن شىعار» ، - دەيدى ۆيدەو اۆتورى سەرگەي شيپۋلين.

 ۆيدەو كادرلارىنان جۇمباق جاراتىلىستىڭ سۋدا ءجۇزىپ جۇرگەنى كورىنەدى.

 بيولوگ يرينا ۇمبەتالييەۆا اتالعان ۆيدەونى كورىپ، ونداعى تىرشىلىك يەسىن سۇڭگۋىر قوڭىزدىڭ دەرناسىلى بولار دەپ توپشىلادى. اتالعان جاندىك قۇرتتاردىڭ قاتارىنا كىرمەيدى. الايدا بيولوگ ۆيدەو كادرلارى ارقىلى عانا جاندىك تۋرالى ناقتى اقپارات بەرە المايتىنىن ايتتى.

«قوزعالىسى مەن جاعى سوعان سايكەس كەلەدى. الايدا مۇنان تولىق اقپارات ايتۋ قيىن» ، - دەيدى بيولوگ.

 سۇڭگۋىر قوڭىزدىڭ دەرناسىلىنىڭ مولشەرى 10 سانتيمەترگە دەيىن جەتەدى. ال ەرەسەك ءتۇرىنىڭ ۇزىندىعى 5 سانتيمەترگە دەيىن جەتەدى ەكەن. ادەتتە بۇل جاندىكتەر سۋى توسپا سۋلاردا مەكەندەيدى. الايدا كەيدە اعىسى قاتتى وزەندەردە دە تىرشىلىك ەتە الادى.