مارستىڭ العاشقى تۇرعىندارى ادام بولماۋى مۇمكىن

نۇر- سۇلتان. قازاقپارات - بولاشاقتا ميلليون تۇرعىنى بار مارس عالامشارىن جەرگە ۇقساتۋ جوسپارى ءتۇزىلىپ جاتىر. مارستا جەردەگىدەي اۋا قالىپتاستىرىپ، وندا باۋ- باقشا وسىرۋگە مۇمكىندىك بار ما، جوق پا، بەلگىسىز.

NASA اگەنتتىگىنىڭ ايتۋىنشا، بۇل مۇمكىن ەمەس. قىزىل عالامشاردا وتتەگى قالىپتاستىرۋ ءۇشىن قاجەتتى دەڭگەيدە ماگنيتتىك ءورىس پەن گازدار جوق. «ءبىراق تاجىريبە جاساپ كورۋ كەرەك» دەيدى ماسك. تەك تاجىريبە عانا ونىڭ بولاتىنىن نەمەسە بولمايتىنىن انىقتاۋعا مۇمكىندىك بەرەدى. مىنە وسى تاجىريبەنى ماسك پەن دجەف بەزوس بىرىگىپ باستاپ كەتكەن سىڭايلى. ميكروبتار قىزىل عالامشاردى تەررافورميروۆانيەلۋىنە كومەكتەسەدى. ياعني ونىڭ اتموسفەراسىن، تەمپەراتۋراسىن جانە قورشاعان ورتاسىن جەر بەتىندەگىدەي كليماتتىق جاعدايعا كەلتىرۋى مۇمكىن. سوندىقتان العاشقى مارس تۇرعىنى ادامدار ەمەس، ونىڭ كليماتتىق جاعدايىن ادامزات ءومىر سۇرۋىنە قولايلى ەتەتىن ميكروبتار بولۋى مۇمكىن. قازىر قىزىل عالامشاردا تىرشىلىكتىڭ نىشاندارى بولماعانىمەن، زەرتتەۋشىلەر ءومىر سۇرۋگە قولايلى باكتەريالار مەن ۆيرۋستاردى مارسقا ۇشىرۋدى جوسپارلاپ وتىر. «بىزگە پايدالى ميكروورگانيزمدەرسىز ءومىر ءسۇرۋ مۇمكىن ەمەس»، - دەيدى حوسە لوپەس، حالموس تابيعي عىلىمدار جانە وكەانوگرافيا كوللەدجىنىڭ پروفەسسورى.

بۇگىنگى ۋاقىتتا يلون ماسك پەن دجەف بەزوس ناسا عارىش اگەنتتىگىمەن بىرلەسە وتىرىپ «ادامزاتقا تاعى ءبىر عالامشار كەرەك» يدەياسى ۇستىندە جۇمىس ىستەپ جاتىر. سەبەبى جەردەگى تابيعي بايلىقتار ۋاقىتى كەلىپ تاۋسىلادى. بۇدان بولەك عالامشارىمىزدا جىل سايىن ادام سانى دا ءوسىپ جاتىر. لوپەس جەتەكشىلىك ەتەتىن عالىمدار توبى ماسك پەن بەزوسقا قاي ميكروبتاردى مارسقا جىبەرۋ كەرەكتىگىن انىقتاۋ ءۇشىن ميكروبيولوگيالىق زەرتتەۋلەرگە قاراجات سالۋدى ۇسىنىپ وتىر. ايتا كەتەيىك، بولونيا ۇلتتىق استروفيزيكا ينستيتۋتىنىڭ عالىمدارى مارستا شىنىندا سۋ بار ەكەنىن دالەلدەيتىن مالىمەتتەردى جاريالاعانىن جازعان ەدىك.

Massaget.kz