+7 (701) 759 90 19
-10 °С : نۇر-سۇلتان
-2 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

قازاقستانداعى ەڭ تاپشى ماماندار انىقتالدى

8 قازان 19:35
:ءبولىسۋ
قازاقستانداعى ەڭ تاپشى ماماندار انىقتالدى

نۇر-سۇلتان. قازاقپارات - بيىلعى ءۇشىنشى توقساننىڭ قورىتىندىسى بويىنشا ەلەكتروندىق ەڭبەك بيرجاسىنداعى تۇيىندەمەلەر مەن بوس جۇمىس ورنى سانىنىڭ اراقاتىناسى بويىنشا كۇزەتشىلەر قازاقستانداعى ەڭ تاپشى مامانداردىڭ كوش باسىندا تۇر.

بۇل جونىندە ەڭبەك رەسۋرستارىن دامىتۋ ورتالىعىنا سىلتەمە جاساپ قازاقپارات حابارلايدى.

ورتالىق ساراپشىلارى اتاپ وتكەندەي، وسى جىلدىڭ 9 ايىنىڭ قورىتىندىسى بويىنشا ەڭبەك نارىعىندا 3,3 مىڭنان استام كۇزەتشى جۇمىس ورنى بوس قالعان. تاپشى مامانداردىڭ ۇزدىك بەستىگىنە تاربيەشىلەر (1,5 مىڭنان استام بوس ورىن)، داياشىلار (1,5 مىڭ)، ساتۋشى- كاسسيرلەر (1,3 مىڭ) جانە تاربيەشى كومەكشىلەرى (1,2 مىڭ) كىرەدى.

ەڭ سۇرانىسقا يە ماماندىقتاردىڭ وندىعىنا سانيتارلار، جۇك كولىگى جۇرگىزۋشىلەرى، ورتا مەكتەپ مۇعالىمدەرى، جول جۇمىسشىلارى، ساتۋشى- كەڭەسشىلەر كىردى.

«رەسپۋبليكا بويىنشا ەڭبەك نارىعىنداعى سۇرانىس ايتارلىقتاي ەرەكشەلەنەدى، ال كۇزەتشىلەردىڭ جالپى بوس ورىندار سانىنىڭ ۇشتەن ەكىسى 2 وڭىرگە تيەسىلى ەكەنىن ايتا كەتۋ كەرەك. ول - قوستاناي وبلىسى (1050 بوس جۇمىس ورنى) جانە نۇر- سۇلتان قالاسى (1034 بوس جۇمىس ورنى). ال شىمكەنتتە كۇزەتشىلەر تاپشى 25 ماماندىقتىڭ تىزىمىنە دە ەنبەي قالعان. ەلىمىزدىڭ وڭتۇستىك مەگاپوليسىندە ەڭ سۇرانىسقا يە ماماندار - ورتا مەكتەپ مۇعالىمدەرى (935 بوس ورىن) بولدى» دەلىنگەن حابارلامادا.

ەلەكتروندىق ەڭبەك بيرجاسىنداعى جۇمىس كۇشىنىڭ سۇرانىسى مەن ۇسىنىستار تالداۋىمەن تولىعىراق مىنا سىلتەمەدە تانىسۋعا بولادى.

ەستەرىڭىزگە سالا كەتەيىك، بيىلعى 6 ايدىڭ قورىتىندىسى بويىنشا ەڭبەك نارىعىندا كۇزەتشىلەردىڭ 4,4 مىڭنان استام جۇمىس ورنىنا سۇرانىس بولعان جوق. تاپشى ماماندىقتاردىڭ ۇزدىك بەستىگىنە (2.6 مىڭنان استام بوس جۇمىس ورنى) تازالاعىشتار (2,3 مىڭ)، داياشىلار (2,2 مىڭ) جانە جۇك تاسۋشىلار (2,1 مىڭ) كىردى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات