قوستانايداعى كوكپار چەمپيوناتىندا پوليسەيلەر جەڭىسكە جەتتى
سپورتشىلار قىز قۋۋ، تەڭگە ءىلۋ، اۋدارىسپاق، تاي جارىس، قۇنان بايگە، الامان جارىس، كوكپار سياقتى ۇلتتىق ويىندار بويىنشا جارىستى. وبلىستىق چەمپيوناتقا قوستاناي وبلىسىنىڭ قۇراماسى مەن پوليسيا دەپارتامەنتىنىڭ «دينامو» كومانداسى، سونداي- اق مايلين، سارىكول، اۋليەكول، دەنيسوۆ اۋداندارىنىڭ وكىلدەرى قاتىستى.
توپتىق كەزەڭدە پوليسيا شاباندوزدارى قوستاناي وبلىسىنىڭ قۇراماسىن 7:1 ەسەبىمەن، سارىكول اۋدانىن 3:0 ەسەبىمەن تىزە بۇكتىردى. فينالدىق باسەكەدە ءتارتىپ ساقشىلارى تاعى دا وبلىس قۇراماسىمەن كەزەدستى. ولار ءبىرىنشى مينۋتتان باستاپ ءوز مىقتىلىعىن كورسەتتى. ۇيىمداسقان ويىن ناتيجەسىندە پوليتسيا قىزمەتكەرلەرى قارسىلاستارىنان تاعى دا باسىم ءتۇستى. بۇل جولعى ەسەپ - 3:0.
«بالا كەزىمنەن ات ۇستىندەمىن. پوليسيادا كاۆالەريالىق ۆزۆود بار، مەنىڭ قىزمەتتىك اتىم - «وقجەتپەس» . ءبىزدىڭ كوماندامىز 12 ادامنان جاساقتالعان. پوليسيادان بولەك، ت ج م مەن ءى ى م اكادەمياسى قىزمەتكەرلەرى دە بار. ويىن 40 مينۋتقا سوزىلدى، ءار مينۋت ماڭىزدى بولدى. ء قارسىلاستار مىقتى. مەن كوماندادا شابۋىلشىمىن، سوندىقتان ماعان ۇلكەن جاۋاپكەرشىلىك جۇكتەلدى» ، - دەپ اتاپ ءوتتى ج ق ا ج ينسپەكتورى باقداۋلەت اسانوۆ.
ەسكە سالساق، بۇل - ءتارتىپ ساقشىلارىنىڭ بيىلعى ءبىرىنشى جەڭىسى ەمەس. قوستاناي وبلىسى پوليسيا دەپارتامەنتىنىڭ كومانداسى «ناۋرىز-2019» رەسپۋبليكالىق تۋرنيرىندە جانە 9 -مامىر جەڭىس كۇنىنە ارنالعان وبلىستىق تۋرنيردە جەڭىسكە جەتكەن بولاتىن.
«ءبىزدىڭ جىگىتتەر شىمىر. كوماندادا ءوز ءىسىنىڭ شەبەرلەرى جينالعان، ولار الاڭدا ءبىر- ءبىرىن جاقسى تۇسىنەدى. ويىن ۇستىندە از- مۇز قاتەلىكتەر بولدى. ونداي ولقىلىقتاردىڭ ورنىن تولتىرامىز. الداعى ۋاقىتتا ءبىز دايىندىقتى كۇشەيتەمىز» ، - دەيدى «دينامو» كوكپار كومانداسىنىڭ جەتەكشىسى، ج ق ا ج كومانديرى جانىبەك مۇحامەدجانوۆ اگەنتتىك تىلشىسىنە بەرگەن سۇحباتىندا.