ا ق ش پەن قىتايدىڭ كەزەكتى كەلىسسوزى وتەدى

نۇر-سۇلتان. قازاقپارات - ا ق ش پەن قىتاي اراسىنداعى كەزەكتى ساۋدا كەلىسسوزدەرى 10 - قازاندا وتەدى. تاراپتار باسقوسۋدى ۆاشينگتون قالاسىندا وتكىزبەك. كەلىسسوز اراداعى شيەلەنىستى شەشۋگە باعىتتالادى.

 اتاپ ايتساق، كەلىسسوزدەر بارىسىندا ينتەللەكتۋالدى مەنشىك قۇقىعى، اۋىل شارۋاشىلىعى، مىندەتتەمەلەردى ورىنداۋدى قامتاماسىز ەتۋ ماسەلەلەرى قارالادى. سونىمەن قاتار ۆاليۋتا ماسەلەلەرى دە تالقىعا تۇسەدى دەپ كۇتىلۋدە. جالپى، قوس الپاۋىتتىڭ ساۋدا شيەلەنىسىن شەشۋ ماقساتىندا كەلىسسوزدەر وتكىزىپ كەلە جاتقانىنا بىرنەشە اي بولدى. سوڭعىسى شىلدە ايىندا شاڭحاي قالاسىندا وتكەن بولاتىن. ايتا كەتسەك، ءبىر اي بۇرىن امەريكالىقتار قۇنى 250 ميلليارد دوللار تۇراتىن قىتايلىق تاۋارلارعا سالىناتىن باج سالىعىن 25 پايىزدان 30 پايىزعا كوتەرۋدى 1 - قازاننان 15 - قازانعا دەيىن شەگەرگەن ەدى. ال بەيجىڭ 17 - قىركۇيەكتەن باستاپ، ا ق ش- تىڭ ءبىرقاتار تاۋارىن قوسىمشا باج سالىعىنان بوساتتى.

www.24.kz