قاسىم- جومارت توقايەۆ ەلورداداعى اۆتوتۇراق ماسەلەسىن كوتەردى

نۇر- سۇلتان. قازاقپارات - نۇر- سۇلتان قالاسىنىڭ اكىمدىگىندە وتكەن ەلوردانى ودان ءارى دامىتۋ ماسەلەلەرى جونىندەگى ماجىلىستە مەملەكەت باسشىسى قاسىم- جومارت توقايەۆ اۆتوتۇراقتار مەن پاركوماتتار ۇيىمداستىرۋ ماسەلەسىن كوتەردى، دەپ حابارلايدى قازاقپارات ءتىلشىسى.

«ەلوردادا اۆتوتۇراقتار مەن پاركوماتتار ۇيىمداستىرۋ ماسەلەسىنە جەكە توقتالعىم كەلەدى. بۇعان قاتىستى ەلباسىنىڭ دا تاپسىرماسى بولعان ەدى. ءبىراق، بۇل ماسەلە ءالى كۇنگە شەشىلگەن جوق. سۋلى- جاسىل جەلەكتە عانا ىلكى اۆتوتۇراق ايماعى قۇرىلدى. ماسەلەنى شەشۋ نەلىكتەن سوزىلىپ كەتكەنى، شىنايى قيىندىق نەدە ەكەنى تۇسىنىكسىز» ، - دەدى مەملەكەت باسشىسى.

ق ر پرەزيدەنتى ەلوردانىڭ ۇنەمى ۇلعايىپ كەلە جاتقانىن باسا ايتتى.

«سوندىقتان ازاماتتاردىڭ ۇتقىرلىعى باسىم مىندەت بولۋى ءتيىس» ، - دەپ اتاپ ءوتتى ق. توقايەۆ.