پرەزيدەنت ەلوردادا قولما-قول اقشاسىز تولەم كولەمىن ۇلعايتۋدى تاپسىردى
بۇل تۋرالى نۇر-سۇلتان قالاسىنىڭ اكىمدىگىندە وتكەن ەلوردانى ودان ارى دامىتۋ ماسەلەلەرى جونىندەگى ماجىلىستە مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«ەلوردادا كارتامەن قولما قول اقشاسىز تولەم جاساۋ ۇلەسىنىڭ ەڭ تومەن ەكەندىگى بايقالادى. ول نە ءبارى 9 پايىزدى عانا قۇرايدى. سالىستىرمالى تۇردە ايتساق، الماتىدا ول 69 پايىز. بۇل پروبلەما قالا تۇرعىندارى مەن قوناقتارىنا قولايسىزدىق تۋدىرىپ قانا قويماي كولەڭكەلى ەكونوميكانىڭ دا وسىمىنە الىپ كەلەدى»، - دەدى مەملەكەت باسشىسى.
وسىعان وراي، قاسىم-جومارت توقايەۆ اتالعان باعىتتا ناقتى جۇمىستار جۇرگىزۋدى تاپسىردى.
«قارجى مينيسترلىگىنە قالا اكىمدىگىمەن بىرلەسىپ، قالانىڭ ساۋدا نۇكتەلەرى مەن قىزمەت كورسەتۋ سالالالارىندا كاسسالىق باقىلاۋ ماشينالارى مەن كارتا تەرمينالدارىنىڭ بولۋىنا قاتاڭ باقىلاۋدى قولعا الۋدى تاپسىرامىن»، - دەدى ق ر پرەزيدەنتى.
ءبىزدىڭ كانالىمىزعا جازىلىڭىز:
اۆتور: مارلان جيەمباي