پرەزيدەنت ەلوردادا ازىق-تۇلىك باعاسىنىڭ قىمباتتىعىن سىنعا الدى

None
None
نۇر-سۇلتان. قازاقپارات - نۇر-سۇلتان قالاسىندا ازىق-تۇلىك جانە كۇندەلىكتى ومىرگە قاجەتتى تاۋارلاردىڭ باعاسى قىمبات.

بۇل تۋرالى نۇر-سۇلتان قالاسىنىڭ اكىمدىگىندە وتكەن ەلوردانى ودان ارى دامىتۋ ماسەلەلەرى جونىندەگى ماجىلىستە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«نۇر-سۇلتان قالاسىندا ازىق-تۇلىك جانە كۇندەلىكتى ومىرگە قاجەتتى تاۋارلاردىڭ باعاسى قىمبات ەكەنىن ايتۋ كەرەك. بۇل بەلگىلى ماسەلە. مىسالى ۇن باعاسى ەلدەگى ورتاشا باعادان 18,2 پروتسەنتكە، سۇزبە 17 پروتسەنتكە، پياز 14,5 پروتسەنتكە، كۇنباعىس 9,6، سيىر ەتى 6,7 پروتسەنتكە جوعارى. بۇل قالادا ءتيىستى ينفراقۇرىلىم جانە ازىق-تۇلىك بەلدەۋى ورنىقپاعان دەگەن ءسوز»، - دەدى مەملەكەت باسشىسى.

ق ر پرەزيدەنتىنىڭ مالىمەتىنشە، ەلوردادا ساۋدا ورىندارى تاپشى. ۇيىمداستىرۋشىلار كوبىنە بەلگىلى ءبىر ساۋداگەرلەرگە عانا مۇمىندىك بەرەدى. ياعني، بارىنە بىردەي جاعداي جاسالمايدى. ەلوردا اكىمدىگى مەن كورشىلەس وبلىستار اراسىنداعى بايلانىس ءوز دەڭگەيىندە ەمەس.

«نۇر-سۇلتان قالاسىنىڭ اكىمىنە اقمولا، قاراعاندى جانە پاۆلودار وبلىستارىنىڭ اكىمدىكتەرىمەن بىرلەسىپ، تاۋار وندىرۋشىلەر مەن ساۋدا جەلىلەرى اراسىندا تىكەلەي بايلانىس ورناتۋ ماسەلەسىن رەتتەۋدى تاپسىرامىن»، - دەدى ق. توقايەۆ.

اۆتور: مارلان جيەمباي

سوڭعى جاڭالىقتار