+7 (701) 759 90 19
7 °С : نۇر-سۇلتان
7 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

ارەكەت ەتىپ، بايانداڭدار: پرەزيدەنت ۇلەسكەرلەر پروبلەماسىن شۇعىل شەشۋدى جۇكتەدى

8 قازان 12:46
:ءبولىسۋ
ارەكەت ەتىپ، بايانداڭدار: پرەزيدەنت ۇلەسكەرلەر پروبلەماسىن شۇعىل شەشۋدى جۇكتەدى

نۇر-سۇلتان. قازاقپارات - ۇلەسكەرلەردى الداعان الاياقتار تۇرمەدە وتىرۋى ءتيىس.

بۇل تۋرالى نۇر-سۇلتان قالاسىنىڭ اكىمدىگىندە ءوتىپ جاتقان ەلوردانى ودان ارى دامىتۋ ماسەلەلەرى جونىندەگى ماجىلىستە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«كەلەسى پروبلەما - ەلوردادا تۇرعىن ءۇيدى پايدالانۋعا بەرۋ قارقىنى مەن قۇرىلىس جۇمىستارى كولەمىنىڭ قۇلدىراۋى بايقالادى»، - دەگەن مەملەكەت باسشىسى، ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنبايەۆتان وسى ماسەلەگە قاتىستى جاۋاپ بەرۋىن تالاپ ەتتى.

ۆيتسە-ءمينيستردىڭ ايتۋىنشا، تۇرعىن ءۇيدى پايدالانۋعا بەرۋدە بىرنەشە پروبلەما بار. ماسەلەن، بىرنەشە كوپقاباتتى تۇرعىن ءۇي سالىنىپ، دايىن تۇرعانىمەن قاجەتتى ينفراقۇرىلىمعا قوسىلماعان.

«ەلوردامىز نۇر-سۇلتان قالاسىندا تۇرعىن ۇيلەردى سالىپ، پايدالانۋعا بەرۋ بۇگىنگى كۇننىڭ وتە وزەكتى ماسەلەسى. بۇل - اسا وتكىر الەۋمەتتىك پروبلەما. وسى تۇرعىدا قاراستىرۋ قاجەت. كوپتەگەن تۇسىنىك بەرۋگە بولادى. ءبىراق، جاساڭدار!»، - دەپ ەسكەرتتى قازاقستان پرەزيدەنتى.

وسىدان كەيىن مەملەكەت باسشىسى قالا اكىمى التاي كولگىنوۆكە تۇرعىن ءۇيدى پايدالانۋعا بەرۋ قارقىنى مەن قۇرىلىس جۇمىستارى كولەمىن ارتتىرۋدى تاپسىردى.

«ۇلەسكەرلىك ماسەلەسى دە جەدەل شەشۋدى قاجەت ەتىپ وتىر. قالادا 49 پروبلەمالىق نىسان قالىپ وتىر. ولاردىڭ قۇرىلىسىنىڭ اياقتالۋىن 13500 ۇلەسكەر كۇتۋدە. بۇل پروبلەمانى شەشۋگە 2018-2019 -جىلدارى 40 ميلليارد تەڭگە ءبولىندى. ءبىراق، نەبارى 4,5 ميلليارد تەڭگەسى عانا يگەرىلگەن. بۇعان قوسا، اكىمدىك قوسىمشا 170 ميلليارد تەڭگە سۇرايدى»، - دەدى مەملەكەت باسشىسى.

ال وسى ماسەلەگە قاتىستى تۇسىنىكتەمە بەرگەن قالا باسشىسىنىڭ ايتۋىنشا، ءاربىر پروبلەمالى نىسانعا قاتىستى جول كارتاسى ازىرلەنگەن.

«ولاردا جوبالىق-سمەتالىق قۇجاتتارىنىڭ بولماۋى سياقتى پروبلەما بولدى. كوپتەگەن الاياقتار تۇرعىنداردى الداعان. ءقازىر ولار تۇرمەدە وتىر جانە زاڭعا سايكەس جاۋاپكەرشىلىكتەرى بار. ولار قۇجاتتارىن جوعالتىپ العان نەمەسە بەرمەگەن. سوندىقتان بۇكىل جاز بويى قۇجاتتارىن ازىرلەۋمەن اينالىستىق، قارجى ينستيتۋتتارىمەن، ەكىنشى دەڭگەيلى بانكتەرمەن، ورتالىق مەملەكەتتىك ورگاندارمەن جۇمىس ىستەدىك. ءارقايسىسى بويىنشا ناقتى جوسپارىمىز بار. ءبىز ءسىزدىڭ تاپسىرماڭىزدى ورىندايمىز»، - دەدى التاي كولگىنوۆ قازاقستان پرەزيدەنتىنە قاراتا.

وسى ورايدا مەملەكەت باسشىسى ق ر باس پروكۋراتۋراسى مەن ىشكى ىستەر مينيسترلىگىنە بۇل ماسەلەمەن ناقتى اينالىسۋدى تاپسىردى.

«الاياقتار تۇرمەدە وتىرۋى ءتيىس. ويتكەنى، ولار وزدەرىنىڭ ءىس-ارەكەتتەرىمەن ازاماتتارىمىزدىڭ نەگىز قۇراۋشى قۇقىقتارىنا قاستاندىق جاساپ وتىر. ازاماتتارىمىزدى الداپ، ولاردى دالادا قالتىرادى. مۇنداي جاعدايدا مەملەكەت تە ارالاسپاي قالماۋى كەرەك. ارەكەت ەتىڭدەر دە، بايانداڭدار!»، - دەدى قاسىم-جومارت توقايەۆ.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات