+7 (701) 759 90 19
1 °С : نۇر-سۇلتان
4 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

ا ق ش تاريحىنداعى وعاش پرەزيدەنتتەر

8 قازان 11:09
:ءبولىسۋ
ا ق ش تاريحىنداعى وعاش پرەزيدەنتتەر

نۇر-سۇلتان. قازاقپارات - ا ق ش-تىڭ سايلاۋ الدىنداعى جارىستارىنان كىشكەنە حابارى بارلارعا، ءتىپتى ساياسات پەن سول ەلدەن الشاق ادامداردىڭ وزدەرىنە پرەزيدەنتتىككە ۇمىتكەرلەرى وتە ەرەكشە بولۋى مۇمكىن ەكەندىگى بەلگىلى.

ءتۇپ نەگىزى حالىق بيلىگى - دەموكراتياعا نەگىزدەلگەن قۇراما شتاتتاردىڭ باستى قاعيداتتارىنىڭ ءبىرى - كەز كەلگەن ازاماتتىڭ پرەزيدەنتتىككە ۇمىتكەر بولۋ قۇقىعى حالىق تاراپىنان تىم بىربەتكەي قابىلدانعان سياقتى. وسى رەتتە ءوز ەلىنىڭ تاريحىندا ەلەۋلى ورىن العان ا ق ش-تىڭ ەڭ وعاش پرەزيدەنتتەرىنىڭ ءتىزىمىن ۇسىنامىز.

دجون تايلەر


دجون تايلەر ا ق ش تاريحىنداعى ءوز ەلىنىڭ جاۋى دەپ جاريالانعان جالعىز پرەزيدەنت رەتىندە تاريحقا ەندى. 1861 -جىلعى سۇراپىل ازامات سوعىسىنا باستاۋ بولعان وڭتۇستىك كونفەدەراتسياسىنىڭ نەگىزىن قالاۋعا اتسالىسقاندار قاتارىندا بولعان دجون تايلەر ءوزىنىڭ سولتۇستىك وپپونەنتتەرى تاراپىنان مەملەكەت جاۋى دەپ جاريالانعان بولاتىن.

گروۆەر كليۆلەند


ⅩⅨ عاسىردىڭ سوڭىندا قاتارىنان ەكى رەت ا ق ش پرەزيدەنتى بولىپ سايلانعان گروۆەر كليۆلەند قىلمىسكەرلەردى ءوز قولىمەن دارعا اساتىنىمەن تانىمال بولعاندىقتان، حالىق ەسىندە دارشى لاقابىمەن ەستە قالدى. ول نيۋ-يورك قالاسىنىڭ باس شەريفى بولعان كەزىندە ەڭ جوعارى جازاعا كەسىلگەن جۇزدەگەن قىلمىسكەرلەردى دارعا اسۋعا داعدىلانعان ەكەن.

ابراحام لينكولن


ەسىمى الەمگە تانىمال ابراحام لينكولن بىرنەشە مىڭ قارا ءتۇستى قۇلدى بوستاندىققا جىبەرۋىمەن عانا ەمەس، پرەزيدەنتتىك وكىلەتتىلىكتەرى كەزىندە ولتىرىلگەن ا ق ش-تىڭ ءتورت پرەزيدەنتىنىڭ ءبىرى رەتىندە دە تانىمال. تيپپەكانوە قارعىسى («نولدىك جىل قارعىسى») تۋرالى اڭىز دا لينكولن ەسىمىمەن تىعىز بايلانىستى. 1840 مەن 1860 -جىلدار ارالىعىندا نولگە بىتكەن جىلدارى پرەزيدەنتتىككە قول جەتكىزگەن ەل باسشىلارىنىڭ ءبارى وزدەرىنىڭ پرەزيدەنتتىك مەرزىمدەرى بىتكەنگە دەيىن دۇنيەدەن وزعان.

مارتين ۆان بيۋرەن


مارتين ۆان بيۋرەن انا ءتىلى اعىلشىن ءتىلى بولماعان جالعىز ەل باسشىسى رەتىندە ا ق ش تاريحىنا ەندى. ول گوللانديالىق وتباسىنان شىققاندىقتان، ۇيىندە تەك نيدەرلاند تىلىندە عانا سويلەسەتىن بولعان. زامانداستارىنىڭ سوزدەرىنە سەنسەك، اعىلشىن ءتىلىن كەيىن ۇيرەنگەن پرەزيدەنت، ءومىرىنىڭ سوڭىنا دەيىن ونى جەتىك مەڭگەرە الماعان كورىنەدى.

تەودور رۋزۆەلت


اڭشىلىقتى جاقسى كورگەن تەودور رۋزۆەلت بولسا، اڭعا شىققاندا ءاردايىم جۋرناليستەردىڭ ۇلكەن توبىن وزىمەن بىرگە الىپ جۇرۋىمەن ەرەكشەلەنگەن ەكەن. ونىڭ 1902 -جىلى اڭشىلىقتا كىشكەنتاي قونجىقتى اتپاعانى Washington Evening Star گازەتىندە جاريالانعان كاريكاتۋرادان ورىن الادى. اتالعان سۋرەت نيۋ-يوركتاعى ويىنشىقتار دۇكەنىنىڭ يەسى مورريس ميچتوم ەسىمدى رەسەيلىك ەميگرانتتىڭ كوزىنە تۇسەدى. ونىڭ جۇبايى روۋز كاريكاتۋراداعى بەينە نەگىزىندە كىشكەنتاي ويىنشىق قونجىق جاساپ، ونى ا ق ش پرەزيدەنتىنىڭ قۇرمەتىنە «قونجىق تەددي» نەمەسە «Teddy Bear « دەپ اتايدى. وسىلايشا، تەودور رۋزۆەلت بۇگىنگى كۇنى الەمگە جايىلعان ەڭ تانىمال ويىنشىقتاردىڭ ءبىرىنىڭ تۋۋىنا تۇرتكى بولعان.

فرانكلين رۋزۆەلت


ال فرانكلين رۋزۆەلت بولسا، ءوزىنىڭ ىرىمشىلدىعىمەن، اسىرەسە، 13 سانىنان قورقۋىمەن ەستە قالعان ەكەن. ول 13-قاباتتا وتكىزىلگەن ءىس-شارالارعا قاتىسپاعان، ايدىڭ 13- جۇلدىزىندا ساياحاتتاماعان، وعان قوسا، تۇسكى اسقا 13 قوناق كەلگەن جاعدايدا، ءاردايىم ءوزىنىڭ حاتشىسىن شاقىرتاتىن بولعان.

دجەرالد فورد


دجەرالد فورد فوتومودەل رەتىندە كارەرا جاساۋ مۇمكىندىگى تۋعان جالعىز ا ق ش پرەزيدەنتى رەتىندە تاريحقا ەنگەن ەكەن. تانىمال جۋرنالداردا سۋرەتتەرى جاريالانعان دجەرالد فورد امەريكان فۋتبولىن ويناۋمەن دە ەرەكشەلەنگەن. ءتىپتى امەريكا فۋتبول ليگاسىنىڭ جەتەكشى كوماندالارى تاراپىنان وعان كاسىبي كەلىسىم-شارتقا وتىرۋ ۇسىنىستارى دا كەلىپ تۇسكەنىن اتاپ ايتۋعا بولادى.

امەريكا فۋتبولى مەن بوكستان باپكەر دە بولعان دجەرالد فوردتىڭ سپورتقا جاقىن بولعاندىعى سونشالىق، ول ءتىپتى تەننيس جانە گولفپەن شۇعىلدانعان كورىنەدى. وسى سەبەپتى زامانداستارى ونى وي-ءورىسى تار ادام رەتىندە قابىلداعان.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات