+7 (701) 759 90 19
1 °С : نۇر-سۇلتان
4 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

اقبەرەن ەلگەزەك. ەگىزدەر

6 قازان 12:10
:ءبولىسۋ
اقبەرەن ەلگەزەك. ەگىزدەر

نۇر-سۇلتان. قازاقپارات - جيىن- تويلارعا بارىپ جاتامىز عوي. كەيدە توي قىزىق وتەدى، كەيدە تىلەك ايتۋ ءداستۇرى مەزى قىلىپ، سىلبىر ءوتىپ جاتادى.

توي ادامدى شارشاتىپ، شاشىراڭقى ءوتىپ جاتقان كەزدە مەن تويشىل حالىققا قاراپ وتىرىپ، ەركەگىنە ويشا ورتاعاسىرلىق شاپان مەن بورىك، ايەلدەرگە كيمەشەك، قىزدارىنا بۇرىنعى زاماننىڭ بۇرمەلى كويلەگى مەن كامزول كيگىزىپ، شاشىنا شولپى تاعىپ، بۇرىنعى قازاقتى ەلەستەتىپ، وزىمە ءوزىم ەرمەك تاۋىپ وتىرام. سوسىن وسى كىسىلەر پالەن عاسىردا ءومىر سۇرسە، مىنەزى قانداي، اينالىسار كاسىبى قانداي بولار ەدى، تاعدىرى قانداي بولار ەدى دەپ ويلاپ قويام. شىندىعىندا ۇلى تاريحىمىزدىڭ ءار عاسىرىندا قازىرگى زاماندا ءومىر ءسۇرىپ جاتقان ءار قازاقتىڭ وزىنەن اۋماعان ەگىزى ءومىر ءسۇرۋى مۇمكىن عوي. سونىڭ ءبىرى سەن مۇلدە بىلمەيتىن ءوزىڭنىڭ اتا- باباڭ شىعار، مۇمكىن ول ساعان تۇك قاتىسى جوق ادام شىعار، ءتىپتى ۇلتى دا سالتى دا باسقا بولۋى ىقتيمال.


قالاي بولعاندا دا تۋرا سەن سەكىلدى ادامنىڭ جەر بەتىندە ءومىر ءسۇرۋى بەك مۇمكىن. سوعان قاراعاندا، ءتاڭىردىڭ لابوراتورياسىندا اۋەلى ادامداردىڭ سان ءتۇرلى تيپاجدارى جوسپارلانعان سياقتى. شىندىعىندا ءار ۇلتتا ءبىر- بىرىنە ۇقسايتىن ادامداردىڭ تيپاجدارى جەتكىلىكتى. جانە ولار بەلگىلى ءبىر مىنەز- قۇلىققا، اينالىساتىن كاسىپكە، ءتىپتى ءومىر ءسۇرۋ فيلوسوفياسىنا دەيىن سايكەس كەلىپ جاتادى. ودان بولەك ءار ادام قۇسقا ۇقسايدى. كەز كەلگەن ادامنان اۋمايتىن قۇس ءتۇرى بار. دەمەك قۇستىڭ تيپاجدار سانى مەن ادام تۇرلەرىنىڭ سانى شامامەن بىردەي بولۋى عاجاپ ەمەس.


ءبىر قىزىعى دۇنيەدەگى ءتىرى جاننىڭ بارلىعىندا ەكى كوز، ەكى قۇلاق، قوس وكپە، ءبىر باس، ءبىر مۇرىن جانە ت. ب. بار. بۇل دا بولسا، تىرشىلىك اتاۋلىنىڭ ءبىر عانا اۆتورى بارىن مەڭزەيدى. ادام بەلگىلى ءبىر مۋزىكاعا دا ۇقسايتىنى بار. كەيدە ءبىر ءان ەستىسەڭ، سول ءان ءبىر ادامدى ەسكە تۇسىرەدى. مۇمكىن ول مۋزىكانىڭ ادام جانىنا ۇقسايتىنىنان بولار. ءتىپتى ادامعا تەحنيكا ۇقسايتىن سياقتى. ناقتىراق ايتقاندا اۆتوكولىك. ول ەندى سول اۆتوكولىكتىڭ تابيعاتىندا ونى جوبالاعان ادامنىڭ ءتۇرى بولماسا دا مىنەز- قۇلقى، پسيحولوگياسى بىلىنەر- بىلىنبەس كورىنەدى. مۇنىڭ ءبارى فراكتالدار تەورياسىنىڭ شىندىققا جاقىن ەكەنىن كورسەتەدى.


ياعني كىشى بولىكتىڭ ءوزى ءبولىنىپ شىققان ۇلكەن بولشەكتەن (پروتوبولشەك) اينىماۋى. ماسەلەن ۇلكەن تامشىدان بولىنگەن كىشكەنتاي تامشى پروتوتامشىدان اينىمايدى: فورما جاعىنان دا ءتۇس جانە ءدام ەرەكشەلىگى جاعىنان. ادامدا قۋانۋ، مۇڭايۋ، ساعىنۋ، ويلاۋ سياقتى ابستراكتسيالىق قابىلەتتەر (بۇل جەردە ەستۋ، كورۋ جانە ت. ب. سانسىز عالامات مۇمكىندىكتەرىن قوسپاعاندا) كىمگە ۇقساعان ەكەن دەپ ويلايسىڭ كەيدە.. .

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات