مەكتەپتە ەڭبەك ەتەتىن ماگيسترلەر تىم از - ۆيتسە-مينيستر
«قازىرگى تاڭدا قازاقستاندا 500 مىڭعا تارتا مۇعالىم مەن پەداگوگ بار. ەلىمىزدە بۇگىنگى تاڭدا مۇعالىمگە شىنىندا دا، وتە جاۋاپتى ميسسيا جۇكتەلىپ وتىر. بالالارعا تەرەڭ ءبىلىم بەرىپ قانا قويماي، بالانىڭ بويىندا ازاماتتىق مىنەز قالىپتاستىرۋ - مىنە، ۇستازدار وسىنداي جاۋاپتى پارىزدى ارقالاعان. ءسوزسىز، مەملەكەت وسى ماماندىقتىڭ مارتەبەسى مەن ابىرويىن ارتتىرۋ ءۇشىن قانشاما شارا قابىلداپ جاتىر. 2016 -جىلدان بەرى بىزدە ۇستەماقى جولعا قويىلدى. بىلىكتىلىگىن ارتتىرعان ۇستازدارعا دا اقشالاي قولداۋ بار»، - دەدى ول ۇستازدار كۇنىنە ارنالعان «پرەزيدەنت قاسىم- جومارت توقايەۆتىڭ قازاقستان حالقىنا جولداۋى: مۇعالىمنىڭ الەۋمەتتىك ءرولىن ارتتىرۋ اسپەكتى» تاقىرىبىندا وتكەن دوڭگەلەك ۇستەلدە.
ۆيتسە-ءمينيستردىڭ ايتۋىنشا، مۇعالىمدەردى جىگەرلەندىرۋ ءۇشىن ەلىمىزدە «قازاقستاننىڭ ەڭبەك سىڭىرگەن ۇستازى» اتاعى بەرىلەدى.
«كەلەسى جىلدان باستاپ ماگيسترلىك ءبىلىمى بار ۇستازدارعا 10 ا ە ك كولەمىندە قوسىمشا اقى قوساتىن جاڭا نورما كۇشىنە ەنەدى. وكىنىشكە قاراي، قازىرگى ۋاقىتتا ماگيسترلەردىڭ سانى تىم از (مەكتەپتە ەڭبەك ەتەتىن) - بار-جوعى 5 مىڭ عانا. مەنىڭ ويىمشا، مۇعالىمدەر مەكتەپتە شەبەرلىگىمەن بىرگە بىلىكتىلىك دەڭگەيىن دە ارتتىرىپ، عىلىم سالاسىندا ەڭبەك ەتۋى كەرەك»، - دەدى ول.
ەسكە سالا كەتسەك، وسىدان ءبىراز ۋاقىت بۇرىن ۇكىمەت وتىرىسىندا «پەداگوگ مارتەبەسى تۋرالى» زاڭ جوباسى بەكىتىلگەن بولاتىن. قازىرگى ۋاقىتتا زاڭ جوباسى پارلامەنت ءماجىلىسىنىڭ قاراۋىندا جاتىر.
بۇعان دەيىن پارلامەنت ماجىلىسىندە «پەداگوگ مارتەبەسى تۋرالى» زاڭ جوباسىن تانىستىرۋ بارىسىندا ق ر ءبىلىم جانە عىلىم ءمينيسترى اسحات ايماعامبەتوۆ ماگيستر دارەجەسى بار مۇعالىمدەرگە قانشا اقشا تولەنەتىنىن ايتقان ەدى.
اۆتور: ايان بەكەن ۇلى