قازاقستاننىڭ قاي ءوڭىرىنىڭ تۇرعىندارى كوپ تابىس تابادى

None
None
نۇر- سۇلتان. قازاقپارات - قازاقستاندا الماتى وبلىسىنىڭ تۇرعىندارى باسقا وڭىرلەردىڭ ەڭبەككە جارامدى تۇرعىندارىنا قاراعاندا كوپ تابىس تابادى، دەپ حابارلايدى قازاقپارات ءتىلشىسى.

Finprom.kz مالىمەتتەرىنە سايكەس، قازاقستاندا ەرەسەك تۇرعىنداردىڭ سانى 12,1 ميلليون ادامدى قۇرايدى. ال سونىڭ 162 ى ەل بايلىعىنىڭ جارتىسىنان كوبىنە يەلىك ەتىپ وتىر. ايتالىق، 11,7 ميلليون ادامنىڭ نەمەسە ەلدىڭ ەرەسەك تۇرعىندارىنىڭ 96,6 پايىزى جىلىنا 10 مىڭ دوللارعا جەتپەيتىن تابىس تاپسا، 2,7 پايىز نەمەسە 326322 ازاماتتىڭ جىلىنا 10 مىڭنان 100 مىڭ دوللارعا دەيىن تابىسى بار.

ءبىر جىلدا 100 مىڭنان 1 ميلليون دوللارعا دەيىن تابىس تاباتىنداردىڭ سانى 42301 (0,35) ادام. ال 1 ميلليوننان 50 ميلليون دوللارعا دەيىن تابىسى بار 5838 (0,05) ادام بار. قازاقستان بايلىعىنىڭ 55 پايىزىن ۋىسىندا ۇستاپ وتىرعان 162 ادامنىڭ (0,001 پايىز) 112 سى جىلىنا 50 ميلليوننان 80 ميلليون دوللارعا دەيىن، 45 ى 80 ميلليوننان 800 ميلليون دوللارعا دەيىن، 5 ەۋى 2 ميللياردتان 3 ميلليارد دوللارعا دەيىن تابىس تابادى.

وسى جىلدىڭ 2-توقسانىندا حالىقتىڭ ورتاشا اقشالاي تابىسى 169,5 مىڭ تەڭگە بولدى. بۇل وتكەن جىلدىڭ ءدال وسىنداي كەزەڭىمەن سالىستىرعاندا 10,3 پايىزعا (153,7 مىڭ تەڭگە) كوپ. وڭىرلىك شەكتە الماتى تۇرعىندارى بارىنشا كوپ تابىس تابادى - 234,9 مىڭ تەڭگە (ءبىر جىل بۇرىن 218,8 مىڭ تەڭگە بولعان ەدى).

ال ەلوردالىقتاردىڭ ورتاشا تابىسى 226,7 مىڭ تەڭگە (1 جىل بۇرىن 213,5 مىڭ تەڭگە) بولسا، قاراعاندى وبلىسى تۇرعىندارىنىڭ تابىسى ءبىر جىلدا 9,4 پايىزعا ءوسىپ 199,7 مىڭ تەڭگەگە (ءبىر جىل بۇرىن 182,6 مىڭ تەڭگە) جەتىپ وتىر.

تۇرعىندارىنىڭ تابىسى مول توپ-5 وڭىرگە ماڭعىستاۋ مەن شىعىس قازاقستان وبلىستارى دا كىرىپ وتىر. بۇل وڭىرلەردىڭ تۇرعىندارى تيىسىنشە 198,4 مىڭ جانە 191,7 مىڭ تەڭگە تابىس تابادى. ەلىمىزدىڭ 8 ءوڭىرى تۇرعىندارىنىڭ تابىسى ورتاشا رەسپۋبليكالىق ماننەن ءبىرشاما تومەن. تۇرعىندارىنىڭ تابىسى تومەن وڭىرلەردىڭ قاتارىندا تۇركىستان (100,4 مىڭ تەڭگە)، جامبىل (128,1 مىڭ تەڭگە) جانە قىزىلوردا وبلىستارى (137,7 مىڭ تەڭگە) بار.

اۆتور: مارلان جيەمباي

سوڭعى جاڭالىقتار