13:05, 04 - قازان 2019 | GMT +6
يران شەتەلدىكپەن نەكەلەسكەندەردىڭ بالالارىنا ازاماتتىق بەرەتىن بولدى
نۇر-سۇلتان. قازاقپارات - يراننىڭ كونستيتۋتسيانى قورعاۋ جونىندەگى كەڭەسى شەتەلدىكپەن وتباسىن قۇرعان يراندىقتاردىڭ بالالارىنا ازاماتتىق بەرۋدى قاراستىراتىن، يران پارلامەنتى قابىلداعان زاڭ جوباسىن ماقۇلدادى.
بۇل جايىندا Twitter الەۋمەتتىك جەلىسىندە زاڭ جوبالارىنىڭ كونستيتۋتسيا مەن شاريعاتقا سايكەستىگىن تەكسەرەتىن اتالمىش ورگاننىڭ وكىلى ءالى ابباس كودھوداي ءمالىم ەتتى.
اتالمىش زاڭدا تەك شەتەلدىك مۇسىلماندارمەن تۇرمىس قۇرعانداردان تۋعان بالالارعا عانا ازاماتتىق بەرۋ ۇيعارىلعان. باسقا نانىم-سەنىمدەگىلەرمەن تۇرمىس قۇرعان يراندىقتاردىڭ بالالارىنا ازاماتتىق بەرىلمەيدى.
بۇدان بولەك، شەتەلدىكپەن تۇرمىس قۇرعىسى كەلەتىن يراندىق ازامات شەتەلدىكپەن نەكەلەسۋى ءۇشىن بيلىكتەن الدىن الا رۇقسات الۋى ءتيىس.
islam.kz