+7 (701) 759 90 19
-5 °С : نۇر-سۇلتان
-5 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ۆلاديمير پۋتين ەۋرازيالىق كولىك ءدالىزىن بىرلەسىپ قۇرۋعا شاقىردى

4 قازان 09:30
:ءبولىسۋ
ۆلاديمير پۋتين ەۋرازيالىق كولىك ءدالىزىن بىرلەسىپ قۇرۋعا شاقىردى

نۇر-سۇلتان. قازاقپارات - ەۋرازيا ەكونوميكالىق وداعى وزگە ەلدەرمەن سەرىكتەستىككە اشىق. بۇل جايىندا سوچيدە ءوتىپ جاتقان «ۆالداي» حالىقارالىق پىكىرتالاس كلۋبىنىڭ جىل سايىنعى XVI وتىرىسىندا رەسەي پرەزيدەنتى ۆلاديمير پۋتين ايتتى، دەپ حابارلايدى قازاقپارات ءتىلشىسى.

«ازيا ءوز ورنىنا قايتا ورالىپ كەلە جاتىر. ازيا ەلدەرىنىڭ بارلىق، اسىرەسە ەكونوميكا سالاسىنداعى پوزيتسياسىنىڭ نىعايۋى ايتارلىقتاي بايقالادى. قازىردىڭ وزىندە وڭىردە الەمدىك جالپى ىشكى ءونىمنىڭ ۇشتەن ءبىرى قالىپتاسىپ وتىر. بۇگىندە جاھاندىق پروبلەمالاردى ازيانىڭ قاتىسۋىنسىز شەشۋ مۇمكىن ەمەس. كوپ جاعدايدا ازيا مەملەكەتتەرىنىڭ ارقاسىندا الەم شىن مانىندە كوپپوليارلى، بارىنشا كۇردەلى بولا ءتۇستى. جاھاندانۋدىڭ، تەحنولوگيالىق ريەۆوليۋتسيانىڭ پايداسىن ءتيىمدى ءارى اقىلعا قونىمدى پايدالانىپ، ەكونوميكالىق كوشباسشىلاردىڭ قاتارىنا قوسىلۋ ارقىلى ازيا مەملەكەتتەرىنىڭ الەمنىڭ ساياساتتا بارىنشا ماڭىزدى رولگە ۇمتىلۋى - زاڭدىلىق. بۇل - تۇبەگەيلى تابيعي پروتسەسس»، - دەدى رەسەي پرەزيدەنتى.

ۆلاديمير پۋتين فورۋم قاتىسۋشىلارىن بىرلەسە وتىرىپ، ەۋرازيالىق كولىك ءدالىزىن قالىپتاستىرۋ جايىن ويلانۋعا شاقىردى. سونىمەن قاتار رەسەي ترانزيتتىك باعدارلاردى بەلسەندى دامىتۋعا دايىن ەكەنىن ءبىلدىردى.

«بىرلەسكەن جالپى پروگرەستىڭ ءدال وسى ۇستانىمدارىن باسشىلىققا الا وتىرىپ، ءبىز سەرىكتەستەرىمىزبەن بىرگە ەۋرازيالىق ەكونوميكالىق وداقتى قۇرىپ جاتىرمىز. بۇل ينتەگراتسيالىق بىرلەستىك تەڭ قۇقىلىق، پراگماتيزم جانە ءبىر-ءبىرىنىڭ مۇددەسىن ەسكەرۋگە نەگىزدەلگەن. بۇعان قوسا، ءبىزدىڭ وداق جابىق نارىق ەمەس»، - دەدى رەسەي پرەزيدەنتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات