09:16, 04 - قازان 2019 | GMT +6
اقمولادا ەكى پولكوۆنيكتىڭ ۇستىنەن قىلمىستىق ءىس قوزعالدى
كوكشەتاۋ. قازاقپارات - اقمولا وبلىسىندا پوليتسيا پولكوۆنيكتەرى ا. ە. ءسادۋوۆ پەن س. ك. جۇمالينانىڭ ۇستىنەن قىلمىستىق ءىس قوزعالدى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.
«اقمولا وبلىستىق پ د ىشكى قاۋىپسىزدىك باسقارماسى ۇ ق ك د ۆەدومستۆورالىق جەدەل تەرگەۋ توبىمەن بىرلەسىپ، ق ر ق ك 189-بابىنىڭ 3-بولىگى بويىنشا (سەنىپ تاپسىرىلعان مۇلىكتى يەمدەنۋ جانە جۇمساۋ) قىلمىس جاساعان پوليتسيا پولكوۆنيگى ا. ە. ءسادۋوۆ پەن س. ك. جۇماليناعا قاتىستى ءىس قوزعاپ، سوتقا دەيىنگى تەرگەۋ امالدارىن قولعا الدى» دەلىنگەن حابارلامادا.
انىقتالعانداي، كۇدىكتىلەر جىل بويى زاڭبۇزۋشىلىق جاساعان. پوليتسيا پولكوۆنيگى ءسادۋوۆ ىشكى ىستەر ورگاندارىنداعى قىزمەتىنەن قۋىلدى.
«تەرگەۋ امالدارى ودان ءارى جالعاسۋدا»، - دەيدى ۆەدومستۆودان.