قازاقستان مەن رەسەي مەملەكەتارالىق ىنتىماقتاستىق دەڭگەيىن جاڭا ساتىعا كوتەرەدى - توقايەۆ
بۇل جايىندا سوچيدە رەسەيلىك ارىپتەسى ۆلاديمير پۋتينمەن ەكىجاقتى كەزدەسۋ بارىسىندا قازاقستان پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
ەكى ەلدىڭ كوشباسشىلارىنىڭ كەزدەسۋى «ۆالداي» حالىقارالىق پىكىرتالاس كلۋبىنىڭ XVI جىلسايىنعى وتىرىسى الاڭىندا ءوتتى.
كەزدەسۋ بارىسىندا رەسەي پرەزيدەنتى وسىدان بىرنەشە كۇن بۇرىن عانا ە ا ە و اياسىندا جەمىستى جۇمىستىڭ جۇرگىزىلگەندىگىن اتاپ ءوتتى.
«ءسىز بەن بىزگە وسىناۋ بىرلەستىكتى قولداۋ ءارى ودان ارى دامىتۋ بويىنشا شەشىمدەر قابىلداۋ ۇلەسى ءتيىپ وتىر. دەگەنمەن، مۇلدەم بىرەگەي سانالاتىن سەنىم دەڭگەيىندەگى ءبىزدىڭ مۇمكىنشىلىكتەرىمىزگە ارقا سۇيەي وتىرىپ، ءبىز بارلىق ماسەلەلەردە ۋاعدالاستىققا قول جەتكىزە الدىق» ، - دەدى ۆ. پۋتين.
سونىمەن قاتار ۆ. پۋتين ەكىجاقتى كۇنتارتىپتەگى ماسەلەلەردى تۇراقتى تۇردە تالقىلاپ وتىرۋعا مۇمكىنشىلىك بار ەكەندىگىن ايتتى.
«بارلىعى دا بۇكىل باعىتتاردا تابىستى دامۋ ۇستىندە، تاۋار اينالىمى دا لايىقتى. ودان ارى دامۋعا قاتىستى وتە جاقسى جوسپارىمىز، ءداستۇرلى جانە جوعارى تەحنولوگيالىق سالالارداعى ىنتىماقتاستىققا قاتىسى بىرلەسكەن جوبالارىمىز بار. جالپى ايتقاندا، تامىر بۇلكىلىن قولدا ۇستاپ وتىرۋىمىز قاجەت. سالالىق جانە مينيسترلىك دەڭگەيدەگى ارىپتەستەرىمىزدىڭ دە كۇش- جىگەرىنە قولداۋ كورسەتۋىمىز قاجەتتىگى ءسوزسىز. ءسىز بەن ءبىز ۇنەمى سولاي جاساپ تا كەلەمىز» ، - دەدى ول.
ءوز كەزەگىندە قازاقستان پرەزيدەنتى رەسەيلىك ارىپتەسىن سوچيگە شاقىرعانى ءۇشىن ريزاشىلىق تانىتىپ، بۇل قالاعا العاش رەت كەلىپ وتىرعاندىعىن ايتتى. ۆ. پۋتيننىڭ ارقاسىندا ءومىر سۇرۋگە جانە دەمالۋعا قولايلى قالا سالىنعانىن اتاپ ءوتتى. سونىمەن قاتار ەكى ەلدىڭ اراسىنداعى ىنتىماقتاستىققا توقتالىپ، قازاقستاننىڭ تۇڭعىش پرەزيدەنتى نۇرسۇلتان نازاربايەۆ پەن رەسەي پرەزيدەنتى ۆلاديمير پۋتين نەگىزىن قالاعان ىرعاق پەن مازمۇن ساقتالىپ وتىرعانىنا نازار اۋدارتتى.
«جاڭا مازمۇنمەن تولىقتىرۋ عانا قالىپ وتىر. ويتكەنى، ءومىر ءبىر ورنىندا تۇرمايدى. ارينە، پايدا بولعان نە بولماسا بۇرىننان قالعان ماسەلەردى دە شەشۋ قاجەت. ءبىز شىن مانىندە ستراتەگيالىق سەرىكتەستىك جانە وداقتاستىق بولىپ سانالاتىن ءبىزدىڭ ىنتىماقتاستىعىمىزدىڭ دەڭگەيىن جاڭا ساتىعا كوتەرۋ قاجەت دەپ ويلايمىن» ، - دەدى قاسىم- جومارت توقايەۆ.