بومج ايەل وپەرالىق ۇنىمەن كوپشىلىكتى تاڭعالدىردى
لوس-اندجەلەس قالاسىنداعى مەترودا ءۇي-كۇيسىز ايەل ءان شىرقاپ، جولاۋشىلاردى وپەرالىق داۋسىمەن قايران قالدىردى. ونىڭ ۆيدەوسى جەلىدە جىلدام تاراپ كەتتى. بۇل تۋرالى usa.one باسىلىمى حابارلايدى.
«4 ميلليون ادام لوس-اندجەلەستى ءۇيىم دەپ اتايدى. ءتورت ميلليون وقيعا، ءتورت ميلليون داۋىس... كەيدە كەرەمەت جاعدايعا كۋا بولۋ ءۇشىن، جاي عانا توقتاپ، ولاردىڭ ءبىرىن تىڭداپ كورۋ كەرەك»، - دەپ جازدى ۆيدەونى تۇسىرگەن پوليتسيا قىزمەتكەرى.
ۆيدەودا پلاتفورمادا اربا جانە بىرنەشە سومكەمەن تۇرعان ايەل پۋچچينيدىڭ تۋىندىسىن ورىنداۋدا. ارتىنشا ول ءوزىن پوليتسيا قىزمەتكەرى كامەراعا ءتۇسىرىپ تۇرعانىن كورىپ، وعان جاقىن كەلىپ، ءان شىرقاۋىن جالعاستىردى.
جەرگىلىكتى تۇرعىندار ايەلدى سول اۋداننان كورىپ جۇرگەندەرىنە 10 جىلداي ۋاقىت بولعانىن ايتادى. تۇرعىندار ونىڭ ۆيولونچەل ويناپ تۇرعانىن، قۇستارعا تاماق بەرىپ جۇرگەنىن كورگەن. ال كەيبىرى ونىڭ ورىس تىلىندە سويلەگەنىن ەستىپتى.
جۋرناليستەر انىقتاعانداي، جۇمباق ءانشىنىڭ ەسىمى - ەميلي زامۋركا. ول 52 جاستا ەكەن. ايەل 24 جاسىندا رەسەيدەن ا ق ش-قا قونىس اۋدارىپ، مۋزىكادان ساباق بەرىپ، اقشا تاپقان.
ايەلدىڭ ايتۋىنشا، ول دەنساۋلىعىنا بايلانىستى تاپقان تابىسىن كۇن كورۋگە ارەڭ جەتكىزىپتى. سوندىقتان بىرنەشە جەردە جۇمىس ىستەۋگە ءماجبۇر بولعان.