+7 (701) 759 90 19
21 °С : نۇر-سۇلتان
23 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

نازاربايەۆ: «توميريس پەن شىڭعىس حان قازاق بولعان» دەگەن اڭگىمەلەردى ەستىگەندە ءىشىم اشيدى»

17 ماۋسىم 14:45
:ءبولىسۋ
نازاربايەۆ: «توميريس پەن شىڭعىس حان قازاق بولعان» دەگەن اڭگىمەلەردى ەستىگەندە ءىشىم اشيدى»

نۇر-سۇلتان. قازاقپارات - «اكادەميك مۇحتار اۋەزوۆ «ادام مەن ادامدى تەڭەستىرەتىن كۇش- ءبىلىم» دەگەن.

«توميريس پەن شىڭعىس حان قازاق بولعان» دەگەن اڭگىمەلەردى ەستىگەندە مەنىڭ ءىشىم اشيدى. ءبىزدىڭ باسقا ايتاتىن ءسوزىمىز قالماعان با؟ باسىمىزدى ارتقا بۇرىپ، الدىعا قالاي جۇرەمىز؟ الدىعا قارايتىن كەز كەلدى. توني بلەردىڭ پارلامەنتتە ايتقان ءسوزى بار ەدى.

«ۇلى بريتانيانىڭ ۇلى تاريحى بار. ءبىراق ءبىز مۇراجايلاردا ءومىر سۇرە المايمىز، ادامداردى كومپيۋتەرگە وتىرعىزاتىن ۋاقىت كەلدى» دەگەن. سول سياقتى ءبىز دە ويلانۋىمىز كەرەك. سىزدەر، عالىمداردان، دۋالى اۋىزدان شىعاتىن ءسوز بولۋى كەرەك. سوندىقتان، جاڭا جاعدايدا قازاقستاننىڭ بولاشاق ۇرپاعى قانداي بولۋى كەرەك دەگەن ساۋال تۋىندايتىنى زاڭدى. ءبىز تاۋەلسىزدىككە قول جەتكىزىپ، ۇلى دالا توسىندە تۇعىرلى مەملەكەت قۇرعان اعا بۋىنبىز، وسى وتىرعاندا. بىزگە وسى كيەلى جەتىستىكتەرىمىزدى باياندى ەتەتىن، ءبىزدىڭ اسقاق بولمىسىمىزدى ەسەلەي تۇسەتىن زەرەك تە، زياتكەر ۇرپاق كەرەك».

پرەزيدەنت نۇرسۇلتان نازاربايەۆ ۇلتتىق عىلىم اكادەمياسىنىڭ 70 جىلدىق مەرەيتويىنا ارنالعان جيىندا(2017 ج) وسىلاي دەدى. ەلباسىنىڭ بۇل سوزىنە شىڭعىسحاننىڭ ءتۇپ-تۇقيانىن اقتارىپ، تەگىن تەكسەرىپ جۇرگەن تاريحشىلار دەر ەكەن؟ دەگەنمەن وتكەنىن ءبىلىپ، ءتول تاريحىن بويىنا سىڭىرمەگەن ۇرپاقتىڭ كەلەشەگىنىڭ كۇماندى بولارى دا ءسوزسىز عوي. پرەزيدەنتتىڭ بۇل سوزىنە ءبىرجاقتى باعا بەرۋگە بولمايدى. ماسەلە سول تاريحتى شىنايى جازۋدا، وبەكتيۆتى تۇرعىدا تانىتۋدا جاتىر ەمەس پە؟

وسى جيىندا ەلباسى ءبىلىم جانە عىلىم مينيسترلىگىنەن عىلىم مينيسترلىگىنە ەنشى بەرۋ تۋرالى ايتىلىپ جۇرگەن ۇسىنىستارعا دا كوزقاراسىن ءبىلدىردى.

- نەگە قاجەت ەكەنىن انىقتاپ الماي مينيسترلىك قۇرا سالۋدان ءبىزدىڭ «جاقسى» تاجىريبەمىز بار. بۇل عالىمدار بارىپ اقشا سۇرايتىن تاعى ءبىر بيۋروكراتيالىق ورگان بولادى»، - دەدى ەلباسى. «ءبىز باسقاشا جاسادىق. اقشا عالىمعا جەتكەنگە دەيىن 5 ساتى بولدى. ءبىرىنشى، سالالىق ورتالىققا، عىلىم مينيسترلىگىنىڭ كوميتەتىنە، سوسىن مينيسترلىككە، سوسىن عىلىمي كەڭەسكە، سوسىن بارىپ عالىمنىڭ عىلىمىنا جەتەتىن. ءبىز مۇنىڭ ءبارىن الىپ تاستادىق. ۇشەۋىن عانا قالدىردىق. ەگەر عىلىمي كەڭەس جاڭالىق قاجەت، ينننوۆاتسيا بار دەپ شەشسە، بىردەن قارجىلاندىرىلادى»، - دەدى مەملەكەت باسشىسى.

مۇراعاتتان، 2017 ج

دەرەككوز: oinet.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات