17:56, 16 - ماۋسىم 2021 | GMT +6
كەڭسە تاۋارلارىندا قازاق تىلىندەگى داپتەرلەر نەگە جوق؟
نۇر-سۇلتان. قازاقپارات - قازاقستانداعى رەسمي دەرەككە سايكەس 3 ميلليونعا جۋىق وقۋشىنىڭ 2 ميلليوننان استامى قازاق تىلىندە ءبىلىم الادى.
كەلتىرىلگەن دەرەكتەردى العا تارتقان گۇلبانۋ ابەنوۆا ءوزىنىڭ فەيسبۋكتەگى پاراقشاسىندا ەلدەگى كەڭسە تاۋارلارىن ساتاتىن دۇكەننەن قازاق تىلىندە تىستالعان داپتەر تابا الماعانىن اشىنا جازدى. سۇراعىن Abdi كەڭسە تاۋارلارى دۇكەن جەلىسىنە باعىتتادى.
«قازاق تىلىندە جازىلعان داپتەر تابۋ ءۇشىن جارتى قالانى ارالاپ شىعۋعا ءتيىسپىن؟ نەگە ەلدەگى تانىمال كەڭسە تاۋارلارىن ساتاتىن دۇكەندەر جەلىسىندە بۇل داپتەرلەر جوق»، - دەپ بازىناسىن ايتقان ول داپتەرلەردىڭ تىسى كوبىنە اعىلشىن جانە ورىس تىلدە جازىلعانىن العا تارتادى.
«نەگە قازاقشا ءقارىپ ەمەس، ءبىزدىڭ الفاۆيت لاتىن تىلىندە جازىلعان؟ مەن زاڭعا قارسى دۇنيە تالاپ ەتىپ وتىرمىن با؟»، - دەيدى گۇلبانۋ ابەنوۆا.
«ادىرنا» ۇلتتىق پورتالى