تۇركى كەڭەسىنىڭ باس حاتشىسى ق ر سىرتقى ىستەر مينيسترىمەن كەزدەستى
بۇل تۋرالى قازاقپارات تۇركى كەڭەسىنىڭ باسپا ءسوز قىزمەتىنە سىلتەمە جاساپ حابارلايدى.
كەزدەسۋ بارىسىندا باس حاتشى مەن مينيستر الداعى 2019-جىلى 15- قازاندا باكۋ قالاسىندا وتەتىن تۇركى كەڭەسىنىڭ 7-سامميتىنىڭ دايىندىق ماسەلەلەرىن تالقىلادى. ءسوز اراسىندا مينيستر مۇحتار تىلەۋبەردى تۇركى مەملەكەتتەرى ىنتىماقتاستىق كەڭەسىنىڭ 7-سامميتى بارلىق مۇشە مەملەكەتتەردىڭ مۇددەلەرىنە قىزمەت ەتەتىن حالىقارالىق ۇيىمنىڭ تاريحىنداعى ايرىقشا وقيعا بولاتىنىن اتاپ ءوتتى.
سونداي-اق، تاراپتار وزبەكستاننىڭ تۇركى كەڭەسىنە تولىققاندى مۇشە رەتىندە كىرۋىنە، ماجارستاننىڭ بايقاۋشى ەل رەتىندە كەڭەستىڭ ەۋروپالىق وفيس- وكىلدىكتىڭ اشىلۋىنا، ۇيىمنىڭ ەكونوميكالىق ۆەكتورىنىڭ نىعايۋىنا، ونىڭ باسقا دا حالىقارالىق ۇيىمدارمەن ىنتىماقتاستىقتىڭ بارىسىنا قاناعاتتانۋشىلىق ءبىلدىردى.
ق ر سىرتقى ىستەر ءمينيسترى باس حاتشىعا ۇيىمعا مۇشە مەملەكەتتەر اراسىنداعى ىنتىماقتاستىقتى ءارى كەڭەيتۋ جولىنداعى جۇمىستارىنا ساتتىلىك تىلەپ، الداعى سامميت تۇركى كەڭەسىنىڭ مۇشە ەلدەرىنىڭ بىرلىگىن ودان ءارى نىعايتۋ جولىندا ماڭىزدى ءبىر قادام بولاتىنىنا سەنىم ءبىلدىردى.