+7 (701) 759 90 19
-4 °С : نۇر-سۇلتان
-5 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

جوعارى ەۋرازيالىق ەكونوميكالىق كەڭەستىڭ وتىرىسىندا قانداي شەشىمدەر قابىلداندى؟

2 قازان 11:34
:ءبولىسۋ
جوعارى ەۋرازيالىق ەكونوميكالىق كەڭەستىڭ وتىرىسىندا قانداي شەشىمدەر قابىلداندى؟

ەرەۆان. قازاقپارات - قازاقستان پرەزيدەنتى جوعارى ەۋرازيالىق ەكونوميكالىق كەڭەستىڭ وتىرىسىنا قاتىستى، دەپ حابارلايدى قازاقپارا اقورداعا سىلتەمە جاساپ.

مەملەكەت باسشىسى قاسىم-جومارت توقايەۆ ءبىرقاتار ەكىجاقتى كەزدەسۋلەردەن كەيىن جوعارى ەۋرازيالىق ەكونوميكالىق كەڭەستىڭ شاعىن جانە كەڭەيتىلگەن قۇرامداعى وتىرىستارىنا قاتىستى.

كەڭەستىڭ كەڭەيتىلگەن وتىرىسىنا بەلورۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ، رەسەي فەدەراتسياسىنىڭ پرەزيدەنتى ۆلاديمير پۋتين، ارمەنيا پرەمەر-ءمينيسترى نيكول پاشينيان، ەۋرازيالىق ەكونوميكالىق كوميسسياسى القاسىنىڭ ءتوراعاسى تيگران ساركيسيان قاتىستى. سونىمەن قاتار، شاراعا ەۋرازيالىق ەكونوميكالىق وداق جانىنداعى باقىلاۋشى-مەملەكەت باسشىسى رەتىندە مولدوۆا رەسپۋبليكاسىنىڭ پرەزيدەنتى يگور دودون، قۇرمەتتى قوناقتار - يران يسلام رەسپۋبليكاسىنىڭ پرەزيدەنتى حاسان رۋحاني جانە سينگاپۋر رەسپۋبليكاسىنىڭ پرەمەر-ءمينيسترى لي سيان لۋن قاتىسىپ وتىردى.

قاسىم-جومارت توقايەۆ ءوز سوزىندە ارميان تاراپىنا جىلى قابىلداۋىنا جانە وتىرىسقا جوعارى دەڭگەيدە دايىندالعانى ءۇشىن ريزاشىلىعىن ءبىلدىردى. مەملەكەت باسشىسى ەۋرازيالىق ەكونوميكالىق وداقتىڭ الەمدىك ساۋدا-ساتتىقتى دامىتۋدىڭ اسا ماڭىزدى بولىگىنە اينالعانىنا سەنىمدى ەكەنىن ايتتى.

قازاقستان پرەزيدەنتى نارىقتىڭ جىلدام وزگەرىپ جاتقان كونيۋكتۋراسى، دەرجاۆالار اراسىنداعى باسەكەلەستىكتىڭ ارتۋى، ساۋدا سوعىسى، پروتەكتسيونيزمنىڭ ءوسۋى الەم ەكونوميكاسىنىڭ تۇراقسىزدىعىنا سوقتىرۋى مۇمكىن دەپ اتاپ ءوتتى.

- عالامدىق كۇردەلى جاعدايدا مەملەكەتتەرىمىزدىڭ ەكونوميكالىق ورنىقتى دامۋىن قامتاماسىز ەتۋ اسا ماڭىزدى. بۇعان شىنايى ءارى ءوزارا ىنتىماقتاستىق، ينتەگراتسيا مەن كووپەراتسيانىڭ ارقاسىندا عانا قول جەتكىزۋگە بولادى. ءبىزدىڭ ەلدەرىمىز ورتاق ىشكى نارىقتاعى كەدەرگىلەردى جويۋ جۇمىستارىن جالعاستىرا بەرۋى كەرەك، - دەدى قاسىم-جومارت توقايەۆ.

مەملەكەت باسشىسى ساۋدا جاساۋداعى كەدەرگىلەردى جويۋ جونىندەگى جۇمىستى جانداندىرۋعا شاقىردى.

- كوميسسيا ۇلتتىق زاڭنامالارعا مونيتورينگ تەتىكتەرىن كۇشەيتە الادى جانە سولاي ىستەۋگە ءتيىس دەپ ويلايمىن. ەۋرازيالىق ەكونوميكالىق وداق شەڭبەرىندەگى قولدانىستاعى قۇقىقتاردى ءتۇسىندىرۋ مەن اقپاراتتاندىرۋدىڭ ءتيىمدى تەتىكتەرىن ازىرلەۋ قاجەت، - دەدى قازاقستان پرەزيدەنتى.

قاسىم-جومارت توقايەۆ ەۋرازيالىق وداق اياسىنداعى كولىك-لوگيستيكالىق ىنتىماقتاستىقتىڭ وڭ ناتيجەلەرىن ايتا كەلە، ەۋرازيالىق ەكونوميكالىق كوميسسياعا جانە ەل ۇكىمەتتەرىنە ە ا ە و- نىڭ ءبىرتۇتاس ترانزيتتىك جۇيەسىن دايىنداۋ جۇمىستارىن جەدەلدەتۋدى، سونىمەن قاتار، وزىق تەحنولوگيالاردى دامىتۋ ءۇشىن قولايلى جاعداي جاساۋدى ۇسىندى.

- قىتاي - ەۋروپا - قىتاي باعىتىنداعى ترانزيتتىك وپەراتسيالار مەن ەكسپورت-يمپورتتىڭ كولەمى تۇراقتى ارتىپ كەلە جاتقانىن بايقاۋعا بولادى. ۆەتنام - قىتاي - ەۋروپا باعىتى بويىنشا ىسكە قوسىلعان ترانسكونتينەنتالدى تەمىرجول جەلىسى وڭتۇستىك-شىعىس ازيا ەلدەرىنىڭ قاۋىمداستىعىنا كىرەتىن مەملەكەتتەردىڭ نارىعىنا ءبىزدىڭ ەلدەردىڭ ونىمدەرىن شىعارۋدىڭ لوگيستيكالىق ماسەلەسىن شەشەدى. اتالعان كولىك ءدالىزى تەڭىز تاسىمالىنا جاقسى بالاما جانە وڭتۇستىك-شىعىس ازيادان ەۋروپاعا ە ا ە و- عا مۇشە مەملەكەتتەردىڭ اۋماعى ارقىلى قىسقا مەرزىمدە جۇك جەتكىزۋگە مۇمكىندىك بەرەدى، - دەدى مەملەكەت باسشىسى.

جوعارى ەۋرازيالىق ەكونوميكالىق كەڭەس وتىرىسىنىڭ كۇن تارتىبىندەگى باستى ماسەلە ەۋرازيالىق ەكونوميكالىق وداققا مۇشە- مەملەكەتتەر مەن سينگاپۋر رەسپۋبليكاسىنىڭ اراسىنداعى ەركىن ساۋدا ايماعى تۋرالى كەلىسىمگە قول قويۋ بولدى. اتالعان كەلىسىم ە ا ە و ەلدەرى ءۇشىن 600 ميلليون حالقى بار وڭتۇستىك-شىعىس ازيا ەلدەرىنىڭ قاۋىمداستىعىنا مۇشە-مەملەكەتتەردىڭ الىپ نارىعىنا جول اشادى. وسىعان بايلانىستى، قازاقستان پرەزيدەنتى كەڭەيىپ جاتقان جاڭا نارىقتار مەن ساۋدا- ەكونوميكالىق بايلانىستىردى دامىتىپ، اتالعان باعىتتاعى كەلىسسوزدەردىڭ جوعارى دەڭگەيىن ساقتاپ قالۋ ماڭىزدى ەكەنىن ايتتى.

- ەۋرازيالىق ەكونوميكالىق وداق بولاشاقتا وڭتۇستىك-شىعىس ازيا ەلدەرىنىڭ قاۋىمداستىعى، شاڭحاي ىنتىماقتاستىق ۇيىمى جانە باسقا دا ءىرى حالىقارالىق ۇيىمدارمەن بايلانىستاردى ارتتىرۋعا باسىمدىق بەرۋى كەرەك. بۇگىن جوعارى كەڭەستىڭ بارىسىندا سينگاپۋر رەسپۋبليكاسىمەن ەركىن ساۋدا ايماعى تۋرالى كەلىسىمگە قول قويىلدى. وسىمەن ە ا ە و وسى باعىتتا ۆەتنامدى قوسا ايتقاندا ەكىنشى ەلمەن كەلىسىم جاسادى. يران يسلام رەسپۋبليكاسىمەن ساۋدا-ەكونوميكالىق جانە لوگيستيكالىق ىنتىماقتاستىقتى دامىتۋ ماڭىزدى ماسەلە، - دەدى قاسىم-جومارت توقايەۆ.

* * *

جوعارى ەۋرازيالىق ەكونوميكالىق وتىرىسىنىڭ سوڭىندا مەملەكەت باسشىسى قاسىم-جومارت توقايەۆ ە ە ك القاسىنىڭ ءتوراعاسى تيگران ساركيسياندى Ⅱدارەجەلى «دوستىق» وردەنىمەن ماراپاتتادى.

ەرەۆاندا وتكەن جوعارى ەۋرازيالىق ەكونوميكالىق كەڭەس قورىتىندىسى بويىنشا 20 قۇجات قابىلداندى.

شەشىم:

1. ەۋرازيالىق ەكونوميكالىق فورۋمى تۋرالى؛

2. ە ە ك القاسىنىڭ ءتوراعاسى تۋرالى؛

3. ەۋرازيالىق ەكونوميكالىق كوميسسيا القاسىنىڭ جەكە قۇرامى مەن مۇشەلەرىنىڭ اراسىنداعى مىندەتتەردى ءبولۋ تۋرالى؛

4. ە ا ە و سوتىنا شارۋاشىلىق سۋبەكتىلەر شاعىمدانعان جاعدايدا تولەيتىن الىم كولەمىن بەكىتۋ تۋرالى؛

5. 2014-جىلعى 10 قازانداعى 79№ جە ە ك شەشىمىنە وزگەرىستەر ەنگىزۋ تۋرالى؛

6. ە ا ە و- نىڭ 2018-جىلعى بيۋجەتىنىڭ ورىندالۋى جونىندەگى ەسەپ تۋرالى؛

7. ە ا ە و- نىڭ 2020-جىلعى بيۋجەتى تۋرالى؛

8. ە ا ە و- نىڭ 2020-جىلعى حالىقارالىق قىزمەتىنىڭ نەگىزگى باعىتتارى تۋرالى؛

9. ە ا ە و- نىڭ جالپى قارجىلىق نارىعىن قۇرۋ تۇجىرىمداماسى تۋرالى؛

10. ە ا ە و- عا مۇشە مەملەكەتتەردىڭ ە ا ە و بيۋجەتىنە جارنالىق قارىزدارىن وتەۋ ءتارتىبىن بەكىتۋ تۋرالى؛

11. ە ە ك القاسىنا مۇشەلىك وكىلەتتىگىن مەرزىمىنەن بۇرىن توقتاتۋ تۋرالى؛

12. ە ە ك القاسىنا مۇشە تاعايىنداۋ تۋرالى؛

13. ە ە ك جۇمىس رەگلامەنتىنىڭ 1№ قوسىمشاسىنا وزگەرىس ەنگىزۋ تۋرالى؛

14. ە ا ە و- نىڭ اگروونەركاسىپتىك ساياساتى جونىندەگى كەڭەسى تۋرالى ەرەجەسىنە وزگەرىس ەنگىزۋ تۋرالى.

وكىم:

1. ەۋرازيالىق ەكونوميكالىق وداققا مۇشە مەملەكەتتەردىڭ بيۋدجەتتەرى اراسىندا كەدەندىك الىمدار سوماسىن ءبولۋ نورماتيۆتەرىنە بايلانىستى ماسەلەلەر تۋرالى؛

2. ە ا ە و- عا مۇشە مەملەكەتتەر اراسىندا گاز تاسىمالداۋ جانە جەتكىزۋ سالاسىنداعى مۇشە-مەملەكەتتەردىڭ زاڭنامالارىن ۇيلەستىرۋ تۋرالى؛

3. ج ە ە ك- ءتىڭ كەزەكتى وتىرىسىن وتكىزۋ ورنى مەن ۋاقىتى تۋرالى.

اكتىلەر:

2014-جىلدىڭ 29- مامىرىنداعى ە ا ە و تۋرالى كەلىسىمنىڭ كەدەندىك الىمدار سوماسىن ءبولۋدىڭ جاڭا نورماتيۆتەرىن بەكىتۋ بولىمىنە وزگەرىستەر ەنگىزۋ تۋرالى حاتتاماعا قول قويۋ تۋرالى؛

2014-جىلدىڭ 29- مامىرىنداعى ە ا ە و تۋرالى كەلىسىمنىڭ اۆانستىق تولەمدەردى قارجىلاي (اقشا) تولەۋ مۇمكىندىكتەرىن تانۋ بولىمىنە وزگەرىستەر ەنگىزۋ تۋرالى حاتتاماعا قول قويۋ تۋرالى؛

2014-جىلدىڭ 29- مامىرىنداعى ە ا ە و تۋرالى كەلىسىمنىڭ تەحنيكالىق، كەدەندىك، كولىكتىك رەتتەۋ، سانيتارلىق، فيتوسانيتاريالىق شارالار، اقپاراتتىق ءوزارا ءىس-قيمىل، ماكروەكونوميكا، باسەكەلەستىك جانە ەنەرگەتيكا بولىمىنە وزگەرىستەر ەنگىزۋ تۋرالى حاتتاماعا قول قويۋ تۋرالى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات