پرەزيدەنت: سيفرلاندىرۋ ە ا ە و ەلدەرىنىڭ باسىم باعىتىنا اينالۋى كەرەك
«جەتەكشى تەحنولوگيالاردى دامىتۋ ءۇشىن تارتىمدى العىشارتتار جاساۋعا نازار اۋدارعان ابزال. تابىستى ەكونوميكانىڭ نەگىزىندەگى عىلىمي تەحنولوگيالار ءوندىرىستىڭ جەتەكشى امال-ادىستەرىنە قول جەتكىزۋگە جول اشادى. سول سەبەپتى، سيفرلاندىرۋ - ءبىزدىڭ ەلدەردىڭ ەكونوميكالارىنىڭ باسىم باعىتىنا اينالۋى كەرەك. قازاقستاندا «سيفرلى قازاقستان» باعدارلاماسى جۇزەگە اسۋدا. سول ارقىلى اۋقىمدى مالىمەتتەردى «جاساندى ينتەللەكت» ارقىلى پاراقتاۋعا مۇمكىندىك تۋادى. بۇل - اينالىپ كەلگەندە وبەكتيۆتى قاجەتتىلىك. ءبىزدىڭ ەكونوميكالىق وداقتىڭ اياسىندا 2017-جىلى «سيفرلى ساپار» جۇرگىزىلگەن ەدى. بۇل سالادا بىرلەسكەن جوبالارىمىز دا جوق ەمەس. مەنىڭ ويىمشا، ءبىز بۇل جۇمىستى جالعاستىرۋىمىز كەرەك»، - دەدى قاسىم-جومارت توقايەۆ.
ايتا كەتسەك، قازاقستان پرەزيدەنتى قاسىم-جومارت توقايەۆ قاتىسقان جوعارى ەۋرازيالىق ەكونوميكالىق كەڭەس وتىرىسى «حابار 24» ارناسىندا تىكەلەي ەفيردە كورسەتىلدى.
ەسكە سالساق، ارمەنيا استاناسىندا جوعارى ەكونوميكالىق كەڭەستىڭ وتىرىسى ءوتتى. ءىس-شاراعا قازاقستان پرەزيدەنتى قاسىم-جومارت توقايەۆ، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ، رەسەي فەدەراتسياسىنىڭ پرەزيدەنتى ۆلاديمير پۋتين، ارمەنيانىڭ پرەمەر-ءمينيسترى نيكولاي پاشينيان جانە ەۋرازيالىق ەكونوميكالىق كوميسسيا القاسىنىڭ ءتوراعاسى تيگران ساركيسيان قاتىستى.