بۇيرەگىن اۋىستىرعان الماتىلىق ايەل انا اتاندى

الماتى. قازاقپارات - الماتىدا بۇيرەگىن اۋىستىرعان ايەل انا اتاندى، دەپ حابارلايدى قازاقپارات د س م باسپا ءسوز قىزمەتىنە سىلتەمە جاساپ.

«29 - قىركۇيەكتە الماتى قالاسىنداعى پەريناتولوگيا جانە بالالار حيرۋرگياسى ورتالىعىنا جۇكتى پاتسيەنت ءتۇستى. 2014 -جىلى ونىڭ بۇيرەگىنە تۋىستىق ترانسپلانتاتسيا جاساعان ەدى. ترانسپلانتولوگ، نەفرولوگ، گينەكولوگ جانە باسقا مامانداردان قۇرالعان دارىگەرلەر توبىنىڭ كومەگىمەن بۇل پاتسيەنتتىڭ جۇكتىلىگى جانە كەسار تىلىگى ءساتتى ءوتتى. ناتيجەسىندە سالماعى 2 كەلىدەن اساتىن ءسابي دۇنيەگە كەلدى. دارىگەردىڭ تەكسەرۋىنەن كەيىن بالا اناسىمەن بىرگە»، - دەلىنگەن حابارلامادا.

ستاتيستيكا سايكەس، وزگە ەلدەردە مۇنداي پاتسيەنتتەردىڭ % 25-35 تۇسىك تاستايدى، مەرزىمىنەن بۇرىن بوسانادى نەمەسە بالا ىشتە جاتىپ شەتىنەيدى. سوندىقتان ترانسپلانتاتسيا جاساتقان ناۋقاستار جۇكتىلىكتى جوسپارلاماس بۇرىن مۇقيات تەكسەرۋدەن وتەدى، سونداي- اق، اياعى اۋىر بولعان جاعدايدا ولار يممۋنوسۋپرەسسيۆتى تەراپيا قابىلداۋى ءتيىس، ويتكەنى ترانسپلانتات (بۇيرەك اۋىستىرۋ) فۋنكتسياسىن جوعالتۋى مۇمكىن نەمەسە پاتسيەنتتىڭ ومىرىنە قاۋىپ ءتوندىرۋى عاجاپ ەمەس.