15:31, 01 - قازان 2019 | GMT +6
ق ر پرەزيدەنتى: قازاقستان سينگاپۋرمەن ءبىرقاتار سالا بويىنشا ىنتىماقتاستىقتى نىعايتادى
نۇر- سۇلتان. قازاقپارات - قازاقستان سينگاپۋرمەن ساۋدا- ەكونوميكالىق، ينۆەستيتسيالىق، قارجى جانە كولىك- لوگيستيكا سالالارى بويىنشا ىنتىماقتاستىقتى نىعايتادى.
بۇل تۋرالى بۇگىن قازاقستان پرەزيدەنتى قاسىم- جومارت توقايەۆ ءوزىنىڭ Twitter- دەگى پاراقشاسىندا جازدى.
«جوعارى ەۋرازيالىق ەكونوميكالىق كەڭەس اياسىندا سينگاپۋر پرەمەر- ءمينيسترى لي سيان لۋنمەن كەزدەستىم. ەلباسى مەن ونىڭ اكەسى، مارقۇم لي كۋان يۋ جاقسى دوستار بولعان ەدى. ساۋدا- ەكونوميكالىق، ينۆەستيتسيالىق، قارجى جانە كولىك- لوگيستيكا سالالارىنداعى ىنتىماقتاستىعىمىزدى نىعايتۋعا ۋاعدالاستىق»، - دەپ جازدى مەملەكەت باسشىسى.