شاش ءتۇسۋىنىڭ باستى سەبەپتەرى

None
None
نۇر-سۇلتان. قازاقپارات - شاشتىڭ ادەمىلىگى مەن ساۋلىعى - قىزدار قاۋىمى ءۇشىن ماڭىزدى دۇنيەلەردىڭ ءبىرى. الايدا كۇز مەزگىلىندە اعزامىز جاڭا ماۋسىمعا ۇيرەنىپ، بۇكىل مۇشەلەردىڭ جۇمىسى اۋىسادى.

كوپشىلىكتى الاڭداتىن ماسەلەلەر اراسىندا شاشتىڭ شامادان كوپ ءتۇسۋى دە بار. سوندىقتان شاش ءتۇسۋىنىڭ باستى سەبەپتەرىنە توقتالامىز.

1. شاشتىڭ ءتۇسۋى كەزىندە باستى ءرولدى گەن مەن جىنىستىق گورماندار اتقارادى. انتروگەندەر (ەر ادامداردىڭ جىنىستىق گورموندارى) شاش فولليكۋلدارىنا (بۋىلتىعىنا) اسەر ەتىپ، قورەكتەنۋى ناشارلاۋىنىڭ ناتيجەسىندە شاش السىرەپ، تۇسەدى. ايەلدەردىڭ قانىندا دا انتروگەندەر بولادى. گورمونالدىق بۇزىلىستار كەزىندە اندروگەندەردىڭ دەڭگەيى تىم جوعارىلاپ، ناتيجەسىندە ەر ادامدارداعىداي شاش تۇسە باستايدى.

2. اۋا تەمپەراتۋراسىنىڭ كۇرت اۋىسۋى دا شاشتىڭ ناشار وسۋىنە، ونىڭ تۇسۋىنە اكەلىپ سوقتىرادى. 3. شاش ءتۇسۋىنىڭ ءجيى كەزدەسەتەىن سەبەپتەرىنىڭ ءبىرى - تورىعۋ (سترەسس) .

4. قان تامىرلارى تارىلعان كەزدە باستاعى قان اينالىسى ناشارلاپ، شاشتىڭ قورەكتەنۋ ءريتمى بۇزىلادى دا، شاش بۋىلتىقتارىنىڭ ورتاشا ەسەپپەن%10-15ى ءوز قىزمەتتەرىن توقتاتادى. قازىرگى تىرلىكتە سترەسس قالىپتى جاعدايعا اينالا باستاعانى جاسىرىن ەمەس. سونىمەن قاتار جۇكتىلىك پەن بوسانۋ، بوبەكتى ەمىزۋ مەن ءتۇن ۇيقىنى ءتورت ءبولۋ، ياعني ايەل ادامداردىڭ اعزاسىنا ەكى ەسە كۇش تۇسەتىن كەزەڭدى دە ماماندار سترەسس دەپ ەسەپتەيدى.

5. تەرى مەن ماي بەزدەرىنىڭ اۋرۋلارى. مىسالى، سەبورەيا شاشتىڭ كوپ ءتۇسۋىنىڭ نەگىزگى سەبەپتەرىنىڭ ءبىرى.

6. ءدارىنىڭ رەتسىز، وندى- سولدى پايدالانۋ - شاشقا قولايسىز اسەر ەتەدى.

7. ناشار ەكولوگيا دا شاشتىڭ دۇرىس وسۋىنە ۇلكەن زيان تيگىزەدى. شاشقا شاڭ- توزاڭ قونىپ، ول تەرى مايىمەن قوسىلىپ، شاشتىڭ قورەكتەنۋى بۇزىلادى. شاش ءتۇسۋىن توقتاتۋ مۇمكىن ەمەس بولسا دا، ونىڭ ءتۇسۋ جىلدامدىعىن شەكتەۋگە بولادى. سوندىقتان شاش سيرەپ، تۇسە باستاعان كەزدە تەز ارادا شاش مامانى تريحولوگقا جانە ەندوكرينولوگقا قارالعان دۇرىس.

ەمنىڭ ناتيجەلى بولۋى دارىگەرگە قارالۋ ۋاقىتىنا جانە شاش بۋىلتىعىنىڭ ساقتالۋىنا بايلانىستى. شاش بۋىلتىقتارى سەمىپ قالسا، ونىڭ ورنىنا جاڭا شاش شىقپايدى. شاش بۋىلتىقتارى ساقتالىپ، ورنىندا تۇرسا، شاشتى قالىپقا كەلتىرۋگە مۇمكىندىك مول. الايدا ونداي پروتسەستىڭ ۇزاق ۋاقىتقا سوزىلۋى مۇمكىن. كەيدە ەمگە بىرنەشە اي نەمەسە بىرنەشە جىل كەتۋى مۇمكىن. ەمدىك شارالارى بۇگىندە شاش تۇسۋىنە قارسى ءتۇرلى ماسكالار بار. الايدا ءوز قولىڭمەن جاساعان ماسكاعا ەشتەمە جەتپەيدى. ءۇي جاعدايىندا ءارى حالىقتىق ەم سانالتىن بۇل ماسكانى ءسىز دە جاساپ كورىڭىز.

• ءىرى سارىمساقتىڭ بىرنەشە بولىگىنىڭ قابىعىن اشىپ، قويمالجىڭ قالىپقا كەلتىرىپ (سارىمساق بوتقاسى) ەزەسىز. شاش مايلى بولسا، دايىندالعان بوتقاعا وسىمدىك مايىنىڭ 2-3 تامشىسىن، ال ەگەر شاش قالىپتى جاعدايدا بولسا، بوتقانىڭ تورتتەن ءبىر بولىگىنە تەڭ ماي قوساسىز. قۇرعاق شاشقا بوتقانىڭ جارتىسىنا تەڭ وسىمدىك مايىن قوسۋ كەرەك. دايىن بولعان ماسكانى شاش تۇبىنە قاتتى باسپاي، ۋقالاي وتىرىپ جاعاسىز. 2 ساعاتتان كەيىن باستى سۋ سابىنمەن جۋۋ قاجەت. بۇل ەمدىك شارانى 6-اي بويى اپتاسىنا 2 رەت ۇزبەي جاساساڭىز، وڭ ناتيجەسىن كورە الاسىز.

• ەمدەۋدىڭ كەلەسى تاسىلىندە دايىن سارىمساق قوسپاسىنا جۇمىرتقانىڭ سارىۋىزىن قوسىپ، ابدەن ارالاستىراسىز. دايىن قوسپانى شاشتىڭ ءون بويىنا جاعىپ، باسقا ورامال بايلاپ، سىرتىنان تسەللوفانمەن ورايسىز. 20 مينۋتتان كەيىن شاشتى سۋ سابىنمەن نەمەسە كادىمگى سابىنمەن جاقسىلاپ جۋىپ، تاعى ءبىر جۇمىرتقانىڭ سارىۋىزىن جاعىپ، كەيىن شاشتى جاقسىلاپ سۋمەن جۋاسىز. ودان ءارى شاشتى شوپتەن جاسالعان قايناتپامەن شايساڭىز بولادى.

Massaget.kz


سوڭعى جاڭالىقتار